ناس كورد-
نێردەى نەتەوەیەکگرتووەکان لە عێراق (یۆنامى) داواى گفتوگۆى عێراق و ئێران دەکات لەبارەى پرسە ئەمنییەکان، ئەوەش دواى هێرشەکانى ئێران بۆ سەر چەند ناوچەیەکى هەرێمى کوردستان.
کەناڵی ناس کورد لە تێلیگرام جۆین بکە
یۆنامى لە راگەیەنراوێکدا (14-11-2022) ئیدانەی هێرشە مووشەکی و درۆنییەکانی سەر هەرێمی کوردستانى کرد و رایگەیاند ئەو هێرشانە پێشێلکردنی سەروەریی عێراقە.
دەشڵێت "عێراق نابێت بۆ یەکلاکردنەوەی کێشەکان بەکار بێت و دەبێت رێز لە یەکپارچەییشی بگیرێت".
یۆنامى جەختشیکردووەتەوە، گفتوگۆ لە نێوان عێراق و ئێراندا سەبارەت بە پرسە ئاسایشییە دوولایەنییەکان تاکە ڕێگەی بەرەوپێشچوونە.
سەرلەبەیانى (14-11-2022) ئێران بۆردومانی بنکە و بارەگاکانی حزبی دیموکرات لە کۆیە و کۆمەڵەی لە ناوچەی زڕگوێزی سلێمانی کرد.
زیاتر بخوێنەرەوە؛ بەپەلە؛ ئێران بۆردومانی ناوچەیەکی سلێمانی دەکات
لە ڕاگەیەنراوێکدا وەزارەتی تەندروستیی هەرێم ڕایگەیاند، تا ئێستا هەشت بریندار و یەک شەهید گەیەنراونەتە نەخۆشخانە.
لاى خۆیەوە، سوپای پاسدارانی ئێران بەرپرسیارێتی خۆی لە هێرشەکانی ئەمڕۆی سەر هەرێمی کوردستان ڕاگەیاند.
