ناس کورد-
مەسرور بارزانی، سەرۆکی حکومەتی هەرێم، بەبۆنەی یادی 238 ساڵەی دامەزراندنی شاری سلێمانییەوە پیرۆزبایی لە خەڵکی شاری سلێمانی دەکات و دەڵێت، شاری هەڵمەت و قوربانی شایستەی باشترین خزمەتە.
کەناڵی ناس کورد لە تێلیگرام جۆین بکە
مەسرور بارزانی، لە وتارێکیدا لە مەراسیمی راگەیاندنی ئینستیتیوتی نوێگەری کوردستان (دووشەممە 14-11-2022) ڕایگەیاند، "ئەمڕۆ یادی 238 ساڵەی دامەزراندنی شاری سلیمانی خۆشەویستە و بەم بۆنەیەوە پیرۆزبایی لە خۆمان و خەڵکی سلێمانی و هەموو کوردستانیان دەکەم".
ئاماژەی بەوەشکرد، " شاری سلێمانی لە مێژووی خەبات و تێكۆشانی گەلەکەماندا پێگەیەکی بەرچاو و بەرجەستەی هەیە، شاری هەڵمەت و قوربانی و پایتەختی رۆشنبیریمان شایستەی باشترین خزمەتە."
سەرۆکی حکومەت باسی لەوەشکرد، "هیواخوازم بە هاوکاری دڵسۆزانی گەلی کورد نیگەرانییەکانی خەڵکی شاری سلێمانی بڕەوێنینەوە و دوور لە دەستوەردانی حزبی و تاکڕەوی یاسا سەرەوەر بێت و هەموو بەربەستەکان بەلاوە بنێین، تاوەکو بتوانین لەڕووی ئیداری و ئاوەدانی گرنگیەکی زیاتر بە سلێمانی بدەین کە لە ئاست پێگەی رەسەنی ئەم شارە بێت".
