ناس کورد-
نەبیل مەرسومی، ئابوریناس و مامۆستای ئابوری لە زانکۆی بەسرە، باس لە پشکی هەرێمی کوردستان دەکات لە بودجەی ساڵی 2023ێ عێراق و دەڵێت، هەرێم مانگانە 200 ملیار دینار وەردەگرێت.
کەناڵی ناس کورد لە تێلیگرام جۆین بکە
نەبیل مەرسومی لە تویتێکدا (سێشەممە 8-11-2022) ڕایگەیاند، "بەگوێرەی زانیارییەکان، پشکی هەرێم لە بودجەی ساڵی 2023دا بەهەمانشێوەی بودجەی 2021 دەبێت، واتە مانگانە 200 ملیار دینار وەردەگرێت و نەوتەکەی خۆیشی بۆ دەمێنێتەوە."
ئاماژەی بەوەشکردووە، "ناردنی ئەو پارەیە لەم مانگەوە دەستپێدەکات و هەرچەندە ئەمە پشتڕاست نەکراوەتەوە، بەڵام ئەمە بەشێکە لەو ڕێککەوتنە سیاسییەی کابینەی نوێی حکومەتی لەسەر پێکهێنراوە."
