تەرمى 11 کۆچبەرى بەلەمەکەى یۆنان دۆزرایەوە

ناس کورد-

تەرمى 11 کۆچبەرى بەلەمە نقومبوەکەى کەناراوەکانى یۆنان دۆزرایەوە و ناسنامەى کۆچبەرە کوردەکانى ناو بەلەمەکەش ئاشکراکرا.

کەناڵی ناس کورد لە تێلیگرام جۆین بکە   

نوێنەری دەزگای لوتکە لە یۆنان لە راگەیەنراوێکدا رایگەیاند، (10) تەرمی دیکە لە کەناری  کاریستۆس دۆزراونەتەوە و کە ئێستا  پۆلیسی  کەناراوەکانی یۆنان  سەرقاڵی گواستنەوەی تەرمەکانن بۆ  نەخۆشخانەی کاریستۆس، بەوەش ژمارەی مردووان بۆ 11 کەس بەرزبووەوە.

وتیشى لە هەمان کاتدا پیاوێک بە زیندوویی لە دەریادا دۆزراوەتەوە و گەیەندراوەتە نەخۆشخانە لەگەڵ ئەم پیاوە تا ئێستا 12 کەس ڕزگارکراون.

لاى خۆیەوە رەنج پشدەرى چالاکوان کە کار لەسەر دۆسیەى کۆچبەران دەکات لە بڵاوکراوەیەکدا ناوى هەشت کۆچبەرە کوردەکەى بڵاوکردووەتەوە کە لەو بەلەمەدا بوون:

1. زريان امينى کەخەڵکی سەردەشتە بێسەروشوێنە 
2. يوسف سه ميح کەخەڵکی هەولیرە بێسەروشوێنە
3. عبدالرحمن حميد فقى کەخەلکی رانیەیە بێسەروشوێنە 
4. ئارام ئاسو کەخەڵکی پیرەمەگرونە بێسەروشوێنە
5. فرزاد عزيزي خەڵکی کە مەریوانە زیندوون
6. كاوه عزيزى کەخەڵکی مەریوانە زیندوون .
7. کۆچبەری کوردی سوری

8.کۆچبەری کوردی کەناوەکانیان نەناسراوە .