چوار کەس لەلایەن ئاسایشى سلێمانییەوە دەستگیرکران

ناس کورد-

ئاسایشی ڕۆژئاوای سلێمانی دەستگیرکردنى چوار کەسى بەتۆمەتی دزیکردن لەهاوڵاتیان راگەیاند.

کەناڵی ناس کورد لە تێلیگرام جۆین بکە   

بەپێی راگەیەنراوێکى ئاسایش (30-10-2022) کە دەست "ناس کورد" کەوتووە، ئەو کەسانە  لەقەزای چەمچەماڵ دەستگیرکران، کە هەستاون بەدزینی ماتۆڕسکیلی هاوڵاتیان، لەقەزای چەمچەماڵ و دەوروبەری.

دەقى راگەیەنراوەکە:

هێزەکانمان لەبەڕێوەبەرایەتی ئاسایشی ڕۆژئاوای سلێمانی ( ٤ ) کەسی تریان دەستگیرکرد بەتۆمەتی دزیکردن لەهاوڵاتیان

لەچوارچێوەی هەڵمەتی هێزەکانمان لەبەڕێوەبەرایەتی ئاسایشی ڕۆژئاوای سلێمانی، بۆ پاراستنی سەروماڵی هاوڵاتیان چوار کەس لەقەزای چەمچەماڵ بەناوەکانی(ھ ، ر، ئ) و (ع،  ع، ج) و (ئ، س، م) و ( ک ، ھ ، م)  دەستگیرکران، کە هەستاون بەدزینی ماتۆڕسکیلی هاوڵاتیان، لەقەزای چەمچەماڵ و دەوروبەری.

تۆمەتبارەکان دانیشتوی قەزای چەمچەماڵن و ماتۆڕسکیلەکانیان بردوە لە پارێزگای کەرکوک فرۆشتویانە.

ئەمە لەکاتێکدایە مانگێک لەمەوبەر چەندین تۆمەتباری دیکە لەسنوری بەڕێوەبەرایەتیمان لەسەر هەمان بابەت دەستگیرکران و ڕاپێچی بەردەم یاساو دادوەر کران.

لەئێستادا تۆمەتبارەکان بەبڕیاری بەڕێز دادوەری دادگەی لێکۆڵینەوەی چەمچەماڵ بەپێی ماددەی (٤٤٦) لەیاسای سزادان ڕاگیراون.

ڕاگەیاندن و پەیوەندییەکان

بەڕێوەبەرایەتی ئاسایشی ڕۆژئاوای سلێمانی