گه‌ڕان

Shadow Shadow
سیاسه‌تی

بەپەلە

کازمى فەرمانى بەپەلە لەسەر هێرشەکەى ناوچەى سەوز دەردەکات

2022.10.13 - 13:23
App store icon Play store icon Play store icon
کازمى فەرمانى بەپەلە لەسەر هێرشەکەى ناوچەى سەوز دەردەکات

ناس کورد-

 

مستەفا کازمى سەرۆک وەزیران و فەرماندەى گشتى هێزە چەکدارەکان فەرمانى بە هێزە ئەمنییەکان کرد رێوشوێنى پێویست بۆ پاراستنى کۆبوونەوەى پەرلەمان و دابینکردنى ئاسایش بگرنەبەر، دواى هێرشە موشەکییەکەى سەر ناوچەى سەوز.

کەناڵی ناس کورد لە تێلیگرام جۆین بکە   

 

کازمى لە بەیاننامەیەکدا رایگەیاند "لە کاتێکدا ئێمە پشتگیری لە تەواوکردنی وادەکانی دەستوور دەکەین بۆ کۆتاییهێنان بە قەیرانی سیاسی، ئێمە ڕێنماییەکانمان بۆ سەرکردە ئەمنییەکان دووپات دەکەینەوە بۆ دەستەبەرکردنی پاراستنی تەواو و پێویست بۆ دانیشتنی پەرلەمان، هەروەها بە توندی هەر هەوڵێک بۆ ڕێگریکردن لە پرۆسەی دیموکراسی ڕەتدەکەینەوە".

 

وتیشى "ئێمە فەرمانمان بە دەزگا ئەمنییەکان کردووە کە هەموو ڕێوشوێنێکی پێویست بگرنەبەر بۆ دابینکردنی ئاسایش و ڕێگریکردن لە هەر هەوڵێک بۆ بەکارهێنانی چەکی کۆنترۆڵنەکراو".

 

پێشتر شانەى میدیاى ئەمنى عێراق رایگەیاند، ناوچەى سەوز و دەوروبەرى بە نۆ کاتیۆشا بەئامانج گیراون و بەهۆیەوە ژمارەیەک ئەندامى هێزە ئەمنییەکان و هاوڵاتییان برینداربوون.