گه‌ڕان

Shadow Shadow
سیاسه‌تی

لەبارەى ناوچەى ئارامەوە

مەزڵوم عەبدی: پێشبینی دەکەین ئەمریکا و تورکیا پرۆژەکەى هەسەدە قبوڵ بکەن

2019.08.15 - 15:10
App store icon Play store icon Play store icon
مەزڵوم عەبدی: پێشبینی دەکەین ئەمریکا و تورکیا پرۆژەکەى هەسەدە قبوڵ بکەن

کەناڵی ناس کورد لە تێلیگرام جۆین بکە   

ناس کورد- فەرماندەی گشتی هەسەدە رایدەگەیەنێت، هەسەدە و تورکیا بە جیا پڕۆژەیان پێشکەش کردووە بۆ دروستکردنی ناوچەی ئارام و پێشبینی دەکەن پڕۆژەکەیان قبوڵ بکرێت. . مەزڵوم عەبدی فەرماندەی گشتی هێزەکانی سوریای دیموکرات "هەسەدە"، دەربارەی دروستکردنی ناوچەی ئارامی نێوان سنوری تورکیا-باکور و ڕۆژهەڵاتی سوریا زانیاری نوێی خستووەتەڕو. . مەزڵوم عەبدی، فەرماندەی گشتی هەسەدە بە ئاژانسی هاوار نیوزی ڕاگەیاندووە: "هەسەدە بەشێوەیەکی ناڕاستەوخۆ دانوستان دەکات و هێشتا نەگەیشتوینەتە هیچ ئەنجامێک، بەڵام ئێمە پڕۆژەی خۆمان داوەتە هاوڕێ ئەمریکییەکانمان دەربارەی دروستکردنی ناوچەی ئارام، هاوکات تورکیاش پرۆژەی خۆی داوە بە ئەمریکا". . مەزڵوم عەبدی ئاماژەی بەوەشکردووە: "پێشبینی دەکەم پڕۆژەکەی ئێمە لەلایەن ئەمریکا و تورکیاوە ڕێککەوتنی لەسەر بکرێت، چونکە زۆر لۆژیکی ترە و رەچاوی ڕەواندنەوەی مەترسییە ئاسایشییەکانی تورکیاى کردووە کە باسی کردووە، هەروەها مافی کوردیشمان پاراستووە". . عەبدی لەو چاوپێکەوتنەکەدا دەڵێت، هەسەدە لە باکور و ڕۆژهەڵاتی سوریا نوێنەرایەتی کورد دەکات و کورد دەپاریزێت و ڕێگا نادات بەهۆی ناوچەی ئارامەوە زەرەر لە بەرژەوەندییەکانی کورد و خاکەکەی بکەوێت، وتیشی، بەهۆی ئەوهەڕەشە و هێرشانەی تورکیا بۆ سەرناوچەکە داوایانکردووە کە هێڵی نێوان ڕوبارەکانی فورات و دیجلە هەمووی بکەوێتە ناو ناوچە ئارامەوە، واتە هەموو ناوچە سنورییەکانی رۆژئاوای کوردستان و باکور و رۆژهەڵاتی سوریا بکەوێتە سنوری ناوچەی ئارامەوە. . فەرماندەی گشتی هەسەدە وردەکاری پڕۆژەکەیانى بۆ ناوچەی ئارام ڕونکردووەتەوە: "هەسەدە ناوچەی ئارامی بەسەر سێ بەشدا دابەشکردووە،  بەشێکیان قوڵاییەکەی پێنج کیلۆمەتر دەبێت و بەشێکی دیکەشیان نۆ کیلۆمەتر دەبێت، هەروەها ناوچەیەکی بچوک هەیە کە لەنێوان گری سپی و سەرێ کانییە لەوێ قوڵای ناوچەی ئارام 14 کیلۆمەتر دەبێت". . "لەو ناوچانەی کە دەکەونە سنوری ناوچەی ئارامەوە، ئیمە هێزەکانی هەسەدە و یەپەگەی لێ دەکشێنینەوە، بەڵام دەمانەوێت هێزێکی سەربازی ناوچەیی خۆیی پارێزگاری لەوێ بکات، واتە ئەو کەسانەی کە پاریزگاری لەوێ دەکەن خەڵکی ئەو شارە بن"، مەزڵوم عەبدى واى وت. . .