ناس کورد-
راوێژکاری وەزیری بەرگریی ئۆکراینا ڕاگەیاند، لە دوێنێوە تاوەکو ئێستا 13 کەس بەهۆی بۆردومانەکانی ڕووسیا گیانیان لەدەستداوە، دەشڵێت، بەکارهێنانی چەکی ئەتۆم لەلایەن رووسیاوە پێشبینیکراوە.
کەناڵی ناس کورد لە تێلیگرام جۆین بکە
یوری ساک، راوێژکاری وەزیری بەرگریی ئۆکراینا لە لێدوانێکی تەلەفزیۆنیدا (سێشەممە 11-10-2022) ڕایگەیاند، "ئامانج لە هێرشەکانی رووسیا تیرۆر و تۆقاندن بوو،ئێستا ئەوان بەشێوەیەکی سەرەکی پشت بە درۆنە ئێرانییەکان دەبەستن، هەر لە هێرشەکانی دوێنێدا بەرپەرچی 15 درۆنی ئێرانی و زیاتر لە 40 مووشەکی رووسیامان لە رێگەی سیستمی بەرگرییەوە داوەتەوە."
ئاماژەی بەوەشکرد، "بەهۆی هێرشەکانەوە 13 کەس لە ئۆکراینا کوژراون و زیاتر لە 80 کەسیش برینداربوون کە زۆربەیان مەدەنین."
راوێژکاری وەزیری بەرگریی ئۆکراینا هۆشداری ئەوەشی دا، "بەکارهێنانی چەکی ئەتۆم لەلایەن رووسیاوە پێشبینیکراوە."
