گه‌ڕان

Shadow Shadow
سیاسه‌تی

تویژینەوەیەک: جەنگە بازرگانیەکانی ترەمپ لە ساڵی 2018دا زیانی 8 ملیار دۆلاری بە ئەمریکا گەیاندووە

2019.03.16 - 12:42
تویژینەوەیەک: جەنگە بازرگانیەکانی ترەمپ لە ساڵی 2018دا زیانی 8 ملیار دۆلاری بە ئەمریکا گەیاندووە

 

ناس کورد-

بە پیی توێژینەوەیەکی شارەزایانی ئابوری لە ئەمریکا، جەنگە بازرگانییەکانی ترەمپ تەنها لە ساڵی 2018دا نزیکەی 8 ملیار دۆلار زیانی بە ئەمریکا گەیاندووە و ڕێژەی هەناردەو هاوردەشی کەمکردۆتەوە.

 

لە توێژینەوەیەکدا کە شارەزا ئابورییەکانی چەند زانکۆیەکی ئەمریکا ئەنجامیانداوە، ئەوە ڕونبۆتەوە کە جەنگە بازرگانیەکانی دۆناڵد ترەمپی سەرۆکی ئەمریکا، وایکردووە "وڵاتەکەی 7 ملیار و 800 ملیۆن دۆلار لە ساڵی 2018دا لەدەستبدات.

ئەو کەسانەی ئەو توێژینەوەیان ئەنجامداوە، پێکهاتوون لە ئابوریناسەکانی (زانکۆی کالیفۆرنیا، زانکۆی کۆلۆمبیا و زانکۆی لۆس ئەنجلۆس)، ئاشکرایان کردووە کە هەستاون بەشیکردنەوەی ئەو بڕیارە ئابورییانەی کە ترامپ دەریکردوون، بۆیان دەرکەوتوە کە هەناردەکانی وڵاتان بۆ ئەمریکا بە ڕێژەی 31.5٪ کەمیان کردووە، لە بەرامبەریشدا هەناردەی ئەمریکا بۆ دەرەوە بە ڕێژەی 11٪ کەمی کردووە.

 

ئابوریناسان ئەوەشیان بۆ دەرکەوتوە، کۆی زیانی ساڵانەی بەکاربەران و بەرهەمهێنەران، بەهۆی زیادبوونی نرخی هاوردەکانەوە، بەرزبۆتەوە بۆ 68ملیار و 800ملیۆن دۆلار.