گه‌ڕان

Shadow Shadow
سیاسه‌تی

پەیامێک لە مستەفا کازمییەوە

2022.10.07 - 21:11
App store icon Play store icon Play store icon
پەیامێک لە مستەفا کازمییەوە

ناس کورد-

 

مستەفا کازمى سەرۆک وەزیرانى عێراق رایگەیاند، ئیلهام لە یادى لەدایکبوونى پێغەمبەر (د.خ) وەردەگرن بۆ بنیاتنانی نیشتمانێکی یەکگرتوو و پاراستنی عێراقی مەزن و گەل.

کەناڵی ناس کورد لە تێلیگرام جۆین بکە   

 

کازمى لە پەیامێکدا بەبۆنەى یادى لەدایکبوونى پێغەمبەر (د.خ) نوسیویەتى "ژیاننامەی ئەو و کاروانی ئەو پێشەنگمانە بۆ خزمەتکردنی گەل و نیشتمانەکانمان.. بۆ زاڵکردنی زمانی عەقڵانی و ڕاستگۆیانە بەسەر زمانی تۆمەتبارکردن و چەواشەکاری".

 

دەقى پەیامەکە:

 

یادی لەدایکبوونی پێغەمبەری مەزن؛ محەمەدی کوڕی عەبدوڵڵا، بانگهێشتمان دەکات بۆ تێگەیشتن لە ئەزموونە ناوازەکەی لە بنیاتنانی مرۆڤ و داڕشتنی سیستەمێکی ئەخلاقی-پڕ بەها، هەروەها بۆ دەوڵەتێک کە چەمکی خزمەتکردنی خەڵک بەسەریدا زاڵ بێت بەبێ جیاوازی.

 

پێغەمبەری خودا (د.خ) ناونیشانی سۆزی مرۆڤایەتی و ئامۆژگاریی چاکەیە، هەروەها نموونەیەکە بۆ ڕێنمایی کردن بە قسەی باش و جوان. ژیاننامەی ئەو و کاروانی ئەو پێشەنگمانە بۆ خزمەتکردنی گەل و نیشتمانەکانمان.. بۆ زاڵکردنی زمانی عەقڵانی و ڕاستگۆیانە بەسەر زمانی تۆمەتبارکردن و چەواشەکاری.

 

ئێمە ئیلهامی لێ وەردەگرین بۆ بنیاتنانی نیشتمانێکی یەکگرتوو و پاراستنی عێراقی مەزن و گەلە هێژاكەمان، هەموو ساڵێک ئێوەش هەر باش بن.

 

مستەفا کازمی

سەرۆکی ئەنجوومەنی وەزیران

فەرماندەی گشتی هێزە چەکدارەکان

بەغدا ٧ی تشرینی یەکەمی ٢٠٢٢