گه‌ڕان

Shadow Shadow
سیاسه‌تی

ڤیدیۆکە ببینە

بەڤیدیۆ؛ یەختێک بە 95 کۆچبەرەوە ژێرئاو کەوت

2022.10.06 - 18:32
App store icon Play store icon Play store icon
بەڤیدیۆ؛ یەختێک بە 95 کۆچبەرەوە ژێرئاو کەوت

ناس کورد- 

 

لە نزیک دوورگەی کیسیرا لە یۆنان یەختێک خۆی کێشاوە بە بەردێکی گەورەی نێو دەریاکە و بە 95 سەرنشینەوە ژێرئاو کەوتووە، نوێنەری دەزگای لوتکەش دەڵێت،بەلەمەکە کۆچبەرانی عێراقی و ئێرانی و ئەفغانی تێدا بووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا حسێن حەمەساڵح، نوێنەری دەزگای لوتکە بۆ کاروباری ئاوارە و پەنابەران لە وڵاتی یۆنان (پێنجشەممە 6-10-2022) ڕایگەیاند، "کاتژمێر 2:47  خولەکی شەوی ڕابروو یەختێک لە نزیک دورگەی (کیثیرا) لە ئاوەکانی یۆنان بە 95  کۆچبەرەوە ژێرئاو کەوت." 

 

ئاماژەی بەوەشکردووە، تا ئێستا 80  کۆچبەر  ڕزگار کراوەن  و چەندین تەرمیش دۆزراونەتەوە کە بە هۆی ئاستەنگیەکانی شوێنەکە و گیرخواردنی کۆچبەرەکان بە زەحمەت توانراوە ڕزگار بکرێن. 

 

ئەوەشی خستووەتەڕوو، بە پێی زانیارییە سەرەتاییەکان و بەپێی وتەی ڕزگار بووەکان، کۆچبەرەکان لە ڕەگەزی عێراقی و ئەفغانی و ئێرانی بوون. 

 

دەزگای لوتکە بۆ کاروباری پەنابەران دەڵێت، بە هۆی هەڵکردنی بایەکی بەهێزەوە  یەختەکە خۆی بە بەردێکی گەوری ناو دەریاکەدا کێشاوە  و بەوهۆیەوە یەختەکە تێکشکاوە و ژێر ئاو کەوتووە.