ناس کورد-
سەرۆکی دەستەی وەبەرھێنان لە ھەرێمی کوردستان ڕایگەیاند، پرۆسەی دروستکردنی ٢٠ ھەزار یەکەی نیشتەجێبوونەکە کەوتووەتە بواری جێبەجێکردنەوە و ھەموو رێکارەکان جگە لە سلێمانی تەواو بوون و دراوەتە وەبەرھێنەریش بۆ ئەوەی دەست بەکارکردن بکەن.
کەناڵی ناس کورد لە تێلیگرام جۆین بکە
د. محەمەد شوکری، سەرۆکی دەستەی وەبەرھێنان لە ھەرێمی کوردستان (سێشەممە 4-10-2022) بە میدیای فەرمیی پارتیی وت، "وەکو دەستەی وەبەرھێنان ھەنگاوەکانی ئێمە بۆ دروستکردنی ٢٠ ھەزار یەکەی نیشتەجێبوونەکە کەوتووەتە بواری جێبەجێکردن و ھەموو رێکارەکانی کۆتایی پێھاتووە و رەزامەندیمان لەسەر وەبەرھێنەر و نرخەکان و قیستەکان و پێشەکی داوە و کەوتووەتە بواری جێبەجێکردنەوە و زەویشی بۆ تەرخانکراوە".
ئاماژەی بەوەشکردووە، "زەوی دابینکراوە لە ھەولێر، سۆران، زاخۆ و دھۆک، لە ھەڵەبجەش بەشێکی زەوی دابینکراوە و تەنھا سلێمانی ماوە و ئەوانیش زەوی دابین بکەن لەوێش دەست پێدەکات، بۆیە رێکارەکانی دروستکردنی ٢٠ ھەزار یەکەی نیشتەجێبوونەکە تەواو بوونەوە و کەوتووەتە بواری جێبەجێکردنەوە".
