گه‌ڕان

Shadow Shadow
سیاسه‌تی

زانیاریی زیاتر

سێ ڕۆژ ماتەمینی ڕاگەیەنرا

2022.10.01 - 16:29
App store icon Play store icon Play store icon
سێ ڕۆژ ماتەمینی ڕاگەیەنرا

ناس کورد-

قائیمقامیەتی قەزای سەیدسادق رایگەیاند، بەهۆی گیان لەدەستدانی پێنج پێشمەرگەی قەزاکەیانەوە لە رووداوێکی هاتوچۆدا، بۆ ماوەی سێ رۆژ ماتەمینی رادەگەیەنن.

کەناڵی ناس کورد لە تێلیگرام جۆین بکە   

 

 

لە راگەیەندراوێکیدا قائیمقامیەتی قەزای سەیدسادق (شەممە 1-10-2022) ڕایگەیاند، "بەداخ و پەژارەیەکی زۆرەوە سەر لە بەیانی ئەمڕۆ هەواڵی ڕووداوێکی دڵتەزێنمان پێگەشت، کە بووە هۆی گیانلەدەستدانی پێنج پێشمەرگە و ڕۆڵە و دانیشتوانی قەزاکەمان، لە ناخەوە دڵتەنگ و خەمباری کردین، داواکارین لە خودای گەورە کۆچکردوان بە بەهەشتی خۆی شادبکات و سەبووری بە ئێمە و بنەماڵە بەڕێزەکانتان بدات".

 

ئاماژەی بەوەشکردووە، "بەم بۆنە خەمناکەوە بۆ ماوەی سێ ڕۆژ لە قەزای سەیدسادق ماتەمینی ڕادەگەیەنین".

 

ئەو پێشمەرگانە کە لە رووداوەکەدا گیانیان لەدەستداوە، ئەمانەن:

 

١. تاهیر کاکەوڵا

٢. جەمال جەلال

٣. ئەردەڵان جەمال مەجید

٤. توانا نەسرەدین

٥. سەروەر ئەنوەر مەحمود

بەگوێرەی ڕاگەیەنراوێکی بەڕێوەبەرایەتی هاتوچۆی دەربەندیخان، رووداوەکە لە نزیک گوندی حەسەن گەورە بووە لە نێوان دەربەندیخان – زەڕایەن، لە نێوان ئۆتۆمبیلێکی جۆری توێتاکراون (مەلیکە) لەگەڵ بارهەڵگرێکدا.