گه‌ڕان

Shadow Shadow
سیاسه‌تی

بەپەلە

یوسف قەرزاوى کۆچی دوایی کرد

2022.09.26 - 13:41
App store icon Play store icon Play store icon
یوسف قەرزاوى کۆچی دوایی کرد

ناس کورد-

یوسف قەرزاوى گەورە بیرمەندى ئیسلامى و سه‌رۆك و دامه‌زرێنه‌ری یه‌كێتی جیهانی زانایانی موسڵمان کۆچی دوایی کرد.

کەناڵی ناس کورد لە تێلیگرام جۆین بکە   

 

یوسف عەبدووڵڵا قەرزوای کە بە باوکى رۆحى کۆمەڵەى ئیخوان موسلیمین دادەنرێت بانگخواز و زانایەکى میسرییە، لە ساڵی 1926 لە گوندێکی پارێزگای غەربیەی میسر لەدایکبووە.

 

تا تەمەنی دە ساڵی هەموو قورئانی پیرۆزی لەبەرکردووە و بە تەواوی فێری هەموو یاسا و ڕێساکانی جوان خوێندنەوەی قورئان بووە.

 

 لە دوای تەواوکردنی خوێندنی سەرەتایی و ئامادەیی، بڕوانامەی بەکالۆریۆسی لە کۆلێجی بنەماکانی ئایین لە زانکۆی ئەزهەر وەرگرتووە.

 

ـلە ساڵی 1958 بڕوانامەى دبلۆمى لە "پەیمانگای باڵا بۆ توێژینەوەی عەرەبی" بەشی زمان و ئەدەب بەدەستهێناوە.

 

ـ لە ساڵی 1960 بڕوانامەی ماستەری لە  زانستەکانی قورئان لە کۆلێجی بنەماکانی ئایین بەدەستهێناوە.

 

 لە هەمان زانکۆ لە ساڵی 1973 بڕوانامەی دکتۆرای بە پلەی باڵا بەدەستهێناوە. 

 

قەرزاوى کە بەشى زۆرى ژیانى لەقەتەر بەسەربردووە، نزیکەی 170 کتێبی نووسراوی هەیە و ناوەڕۆکی بابەتەکانی پەیوەستن بە بیر و هزری ئیسلامی.