ناس کورد-
بریکاری وەزارەتی کارەبا رایگەیاند، ئەگەر سیستەمى پریپەید سەرکەوتوو بێت و لەگەڵ کۆمپانیا گەیشتنە ڕێککەوتن، ڕەزامەندیی سەرۆکایەتیی ئەنجومەنی وەزیران وەردەگرن بۆ ئەوەی لە ھەموو کوردستان جێبەجێ بکرێت.
کەناڵی ناس کورد لە تێلیگرام جۆین بکە
کامیل قەزاز (20-9-2022) بە پێگەى فەرمى پارتى وت "پلانی وەزارەتی کارەبا ئەوەیە سیستەمی پری پەید جێبەجێ بکرێت، کە ھاوشێوەی کارتی مۆبایل ھاوبەشانی کارەبا بەکاری دێنن".
وتیشى "پڕۆژەکە وەک تاقیکردنەوە لە بازاڕی لەنگەی ھەولێر و بازاڕی دھۆک دەستی پێکردووە، ئەوانەی سیستەمی پری پەید بەکار دێنن دەتوانن لێیان بپرسن چەند سوودی ھەیە و نرخی کارەباش کەمتر لەسەریان دەکەوێت.''
کامیل قەزاز ڕوونیکردەوە "ئەگەر سیستەمەکە سەرکەوتوو بێت و لەگەڵ کۆمپانیا گەیشتینە ڕێککەوتن، ئەوە ڕەزامەندیی سەرۆکایەتیی ئەنجومەنی وەزیران وەردەگرین بۆ ئەوەی لە ھەموو کوردستان جێبەجێ بکرێت، چونکە سیستەمەکە کاریگەریی ھەیە لەسەر ڕەوشی کارەبا و خەرجی کەم دەکاتەوە و داھات زیاد دەکات.''
