ناس کورد-
ئاسۆ مامەند، ئەندامی مەکتەبی سیاسی و سەرپەرشتیاری مەکتەبی سیاسیی کەرکوک - سەڵاحەدینی حزبەکە لەبارەی لادانی لە پۆستەکەی لەلایەن بافڵ تاڵەبانییەوە، ڕوونکردنەوەیەکی بڵاوکردەوە و ڕایگەیاند، ئەو هەواڵە دوورە لە ڕاستییەوە.
کەناڵی ناس کورد لە تێلیگرام جۆین بکە
دەقی ڕوونکردنەوەکە:
ھەڤاڵ (ئاسۆ مامەند) وەك سەرپەرشتیاری كەركوك- سەڵاحەدینی (ی.ن.ک) لە پۆستەكەی خۆی ماوەتەوە و هەموو ئەو هەواڵانەشی کە لە سۆشیال میدیا بێ دایک و باوکەکاندا بڵاودەكرێنەوە دوورن لە راستییەوە و سەرلەبەری هەواڵی چەواشەکاری و بێ بنەمان.
خەڵكانێكی دۆڕاو هەوڵدەدەن بە بڵاوكردنەوەی ئەم جۆرە چەواشەكاری و درۆیانە شكستەكانی خۆیان بشارنەوە، بەڵام ئەوەندەی تر ناشرین و روڕەش دەبن.
ئەو جۆرە هەواڵانە هیچ بایەخێکیان نییە لە بنەڕەتدا بە پێویستمان نەزانیوە وەڵامی شتێك بدەینەوە كە لە بنەمادا درۆیە، مەبەست لە بڵاوکردنەوەی ئەو هەواڵانە دروستكردنی ناكۆكی، و دڵخۆشكردنی درۆیانەی خۆیانە بۆ ئەو كەسانەی کە لە پشت بەڕێوەبەردنی ئەو پەیجانەوە بە وەهم دەژین.
سکرتێری رۆژنامەوانی ئاسـۆ مامەند
