گه‌ڕان

Shadow Shadow
سیاسه‌تی

وێنە و زانیاری

’’65 خوێندکار لە یەک پۆلدا’’.. هاواری بەڕێوەبەرێک بەهۆی ململانێی سیاسییەوە

2022.09.14 - 09:31
App store icon Play store icon Play store icon
’’65 خوێندکار لە یەک پۆلدا’’.. هاواری بەڕێوەبەرێک بەهۆی ململانێی سیاسییەوە

ناس كورد-

بەڕێوەبەری یەکێک لە قوتابخانەکانی ناحیەی بازیان لە سلێمانی دەڵێت، بەهۆی ململانێی سیاسییەوە لەسەر دانانی بەڕێوەبەری قوتابخانەیەک تازە نۆژەنکراوە، قەرەباڵغی لە قوتابخانەیەک دروستبووە بە شێوەیەک 65 خوێندکار لە پۆلێکدان.

کەناڵی ناس کورد لە تێلیگرام جۆین بکە   

 

سۆران ڕسوڵ، بەڕێوەبەری یەکێک لە قوتابخانەکانی بازیان چەند وێنەیەکی لە فەیسبوکی خۆی بڵاوکردووەتەوە و نوسیویەتی، "دیمەنەکانی دوو قوتابخانە لە بازیان لەیەکەم ڕۆژی دەستپێکردنی ساڵی نوێی خوێندن کە بەهۆی ململانێی سیاسییەوە بوونەتە قوربانی، بۆ بەردەم وەزارەتی پەروەردەی حکومەتی هەرێمی کوردستان".

 

دەشڵێت، "بۆ بەرچاوی بەڕێز وەزیری پەروەردە د.ئالان حمەسعید، دیمەنی دوو قوتابخانە لەناو سەنتەری قەزای بازیان دەخەینەڕوو بۆ بەڕێزتان و ڕای گشتیش کەبەهۆی ململانێی سیاسییەوە پاش تەواوبوونی بینای قوتابخانەیەک بەداخراوی و چۆڵەوانی دەمێنێتەوە و بێ نازە لە ئامێزگرتنی جگەرگۆشەکان، لەسەر یەکلانەکردنەوەی بەڕێوەبەری قۆناغی 1 - 6ی بنەڕەتی، لەهەمان کاتدا قوتابخانەیەکی نزیکیش لەم لەهەر پۆلێکی خوێندنیدا هەتا ٦٥ قوتابی تیایدا دانیشتوون نیوەی لەسەر زەوی".

 

"ئەخوازم جنابی وەزیری پەروەردە لەزووترین کاتژمێرەکانی دەستپێکی ساڵی نوێی خوێندن بەبڕیارێک کەتەنها لەبەرژەوەندی خودی قوتابیانی هەردوو گەڕەکدا بێت، ئەم کارەساتە دڵتەزێنە چارەسەربکات، چونکە لێرە گرفتەکە گەیشتۆتە بنبەست، وە لە کۆتایشدا دەپرسم ئەمە بوو هەنگاوی کرداری بۆ پێکەوەژیان و لەگەڵ یەکتر هەڵکردن و یەکتر قبوڵکردن کە بڕیارە وەک پەیام بە قوتابییەکانمان بگەیەنین".

me_ga.php?id=5591me_ga.php?id=5587me_ga.php?id=5589me_ga.php?id=5592me_ga.php?id=5588me_ga.php?id=5590