گه‌ڕان

Shadow Shadow
سیاسه‌تی

نوێ

شەڕ لەنێوان دوو وڵاتی دیکە دروست بوو.. داوایەکی بەپەلە لە ئەمەریکاوە

2022.09.13 - 10:23
App store icon Play store icon Play store icon
شەڕ لەنێوان دوو وڵاتی دیکە دروست بوو.. داوایەکی بەپەلە لە ئەمەریکاوە

ناس کورد-

لەسەر سنوری نێوان ئازەربەیجان و ئەرمینیا، شەڕێكی قورس لەنێوان ئەو دوو وڵاتەدا دەستیپێكردەوە و و کوژراو و بریندار هەن، ئەمریكاش داوا دەكات شەڕ رابگرن.

کەناڵی ناس کورد لە تێلیگرام جۆین بکە   

 

وەزارەتی بەرگریی ئەرمینیا (سێشەممە 13-9-2022) ڕایگەیاند، بەیانیی ئەمڕۆ هێزەكانی ئازەربایجان بە تۆپ و چەكی قورس بنكە سەربازییەكانی ئەرمینیای  لە شارەكانی گۆریس، سۆتك و یەرموك كردووەتە ئامانج. 

 

ئاماژەی بەوەشکردووە، تەنانەت فڕۆكەی بێفڕۆكەوانیشیان بەكارهێناوە.

 

لە بەرامبەردا وەزارەتی بەرگریی ئازەرباجان، دەڵێت، "لە دوو شار هێزەكانی ئەرمینیا بەشێوەیەكی چڕ بنكە سەربازییەكانی تۆپباران كردووین و زیانی گیانیشمان هەیە."

 

هاوکات، ئەنتۆنی بلینكن، وەزیری دەرەوەی ئەمریكا، داوا دەكات بەپەلە شەڕ راوەستێنن و دەڵێت، "چارەسەركردنی كێشەی نێوان ئەرمینیا و ئازەربێجان شەڕ نییە و دانوستاندنە."