گه‌ڕان

Shadow Shadow
سیاسه‌تی

پارە لە هاووڵاتیان وەردەگیرێت؟

دەستەی وەبەرهێنانی هەرێم: پڕۆژەی ڕاکێشانی بۆری غازی ماڵان دەستپێدەکات

2022.09.10 - 15:02
App store icon Play store icon Play store icon
دەستەی وەبەرهێنانی هەرێم: پڕۆژەی ڕاکێشانی بۆری غازی ماڵان دەستپێدەکات

 

ناس کورد-

سەرۆکی دەستەی وەبەرھێنان لە ھەرێمی کوردستان ڕایگەیاند، ھەنگاوەکان بۆ ڕاکێشانی بۆری غازی ماڵان دەستی پێکردووە و بۆری غاز بۆ ھەموو ماڵێک رادەکێشن و ھیچ تێچووێکیشی لەسەر ھاووڵاتی نابێت، دەشڵێت، ھەموو کارەکان کۆمپانیاکان ئەنجامی دەدەن و ھاووڵاتیان تەنها پارەی ئەو غازە دەدەن کە سەرفی دەکەن.

کەناڵی ناس کورد لە تێلیگرام جۆین بکە   

 

محەمەد شوکری، سەرۆکی دەستەی وەبەرھێنان (شەممە 10-9-2022) بە میدیای فەرمیی پارتیی ڕاگەیاند، "لە رێگەی چەند پڕۆژەیەکەوە بۆری غاز رادەکێشرێت بۆ ماڵان و لە پارێزگا و ئیدارەی سەربەخۆ و شار و شارۆچکەکان عەمباری غاز دروست دەکرێن و سیستەمی غاز وەکو وڵاتانی لێ دێت و بەقۆناغ لەھەموو کوردستان جێبەجێ دەکرێت، بۆیە ئەوە یەک پڕۆژە نیە و چەندین پڕۆژە لەخۆ دەگرێت کە کۆمپانیای ناوخۆیی و بیانی بەو پڕۆژانە ھەڵدەستن".

 

ئاماژەی بەوەشکردووە، "ھەنگاوەکانمان دەستپێکردووە بۆ مۆڵەتدانی دروستکردنی عەمبار و پەسەندی کۆمپانیاکانمان داوە کە بەو کارە ھەڵدەستن، بۆیە پێویستە خۆیان رێکبخن و دەست بەکار بکەن و مەرجی ئێمە ئەوەیە سیستەمی غاز ببێتە مەرکەزی".

 

سەرۆکی دەستەی وەبەرهێنان باسی لەوەشکردووە، " ئەو پرۆسەیە کاری بۆ دەکرێت و کاردەکەین زەوی بۆ عەمبارەکان تەرخان بکرێت و ئەوەی دیکەش دەمێنێتەوە لە کوێ و چۆن دەست بەدروستکردنی بکرێت، بۆیە ھەوڵدەدەین  ئەمساڵ دەستپێبکات، چونکە خەرجی زۆر و کاتی زۆریشی پێویستە".

 

جەختیشیکردووەتەوە، "دروستکردن و راکێشانی بۆری غازی ماڵان ھیچ تێچوویه‌کی لەسەر ھاووڵاتی نابێت، هاووڵاتیان بۆری غازیان بۆ رادەکێشرێتە ماڵ و غازیش گران نابێت، تەنھا ئەوەیە چەند غاز بەکار بێنن پارەی ئەو غازە دەدەن".