گه‌ڕان

Shadow Shadow
سیاسه‌تی

زانیاریی زیاتر

پەیامێک لە وەزیری داراییەوە لەبارەی دۆخی دارایی و ئابوری سلێمانی

2022.09.04 - 12:56
App store icon Play store icon Play store icon
پەیامێک لە وەزیری داراییەوە لەبارەی دۆخی دارایی و ئابوری سلێمانی

ناس کورد-

وه‌زیرى دارایی و وەزیرى بازرگانى به‌ مه‌به‌ستى چاره‌سه‌رى گیروگرفته‌كانى بازرگانان و پیشه‌سازانى سلێمانى كۆبوونه‌وه و وەزیری دارایی ڕایگەیاند، ده‌توانن هه‌موو به‌ربه‌سته‌كان هه‌لگرن بۆ ئه‌وه‌ى بازرگانان و پیشه‌سازان به‌ گروتینێكى به‌هێزه‌وه بازار بەگەڕ بخەن‌.

کەناڵی ناس کورد لە تێلیگرام جۆین بکە   

 

ڕۆژى یه‌كشه‌ممه‌ 2022/9/4، ئاوات جه‌ناب نورى، وه‌زیرى دارایی و ئابوورى له‌گه‌ڵ كه‌مال موسلیم، وه‌زیرى بازرگانى و پیشه‌سازى، به‌مه‌به‌ستى چاره‌سه‌ركردنى گیروگرفته‌كانى بازرگانان و پیشه‌سازانى سنوورى پارێزگاى سلێمانى كۆبوونه‌وه‌ کە سیروان محەمەد، سەرۆکى ژوورى بازرگانى و هۆبه‌ى بازرگانان و پیشه‌سازى و چه‌ند به‌ڕێوه‌به‌رێكى گشتى وه‌زاره‌تى دارایی و ئابوورى و وه‌زاره‌تى بازرگانى و پیشه‌سازى تیایدا به‌شداربوون.

 

بەگوێرەی ڕاگەیەنراوێکی وەزارەتی دارایی، وه‌زیرى دارایی و ئابوورى جه‌ختى له‌وه‌ كرده‌وه،‌ "ئێمه‌ به‌ مه‌به‌ستى چاره‌سه‌ركردنى كێشه‌كان لێره‌ین به‌یارمه‌تى و هه‌ماهه‌نگى هه‌ردوو وه‌زاره‌تمان ده‌توانین هه‌موو به‌ربه‌سته‌كان هه‌لگرین بۆ ئه‌وه‌ى بازرگانان و پیشه‌سازان به‌ گروتینێكى به‌هێزه‌وه بازار بەگەڕ بخەن‌." 

 

ئەوەش هاتووە، لاى خۆشیه‌وه،‌ كەمال موسلیم، وه‌زیرى بازرگانى و پیشه‌سازى ئاماژه‌ى به‌وه‌دا، "وه‌زاره‌تى دارایی و ئابوورى وه‌كو هه‌میشه‌ هه‌ماهه‌نگ و هاوكارێكى به‌هێزبوون بۆ چاره‌سه‌ركردنى ئه‌و كێشانه‌ى كه‌ ڕووبه‌رووى بازرگانان و پیشه‌وه‌ران ده‌بنه‌وه‌." 

 

وەزارەتی دارایی ڕایگەیاندووە، "ئه‌م كۆبوونه‌وه‌ ته‌واو كه‌رى ئه‌و زنجیره‌ كۆبوونه‌وه‌یانه‌یه‌ كه‌ ماوه‌یه‌كه‌ وه‌زیرى دارایی و ئابوورى ئه‌نجامى ده‌دات به‌مه‌به‌ستى نه‌هێشتنى كێشه‌ى بازرگان و پیشه‌سازانی سنووری پارێزگای سلێمانی."