گه‌ڕان

Shadow Shadow
سیاسه‌تی

زانیاریی زیاتر

وەزیری دارایی بڕیارێکی لە بەرژەوەندیی توێژێک دەرکرد

2022.09.03 - 18:58
App store icon Play store icon Play store icon
وەزیری دارایی بڕیارێکی لە بەرژەوەندیی توێژێک دەرکرد

ناس کورد-

وەزارەتی دارایی و ئابووریی حکومەتی هەرێمی کوردستان بۆ چارەسەركردنی گرفتەكانی بازرگان و پیشەسازانی سنووری پارێزگای سلێمانی لیژنەیەكی تایبەت پێكدەھێنێت.

کەناڵی ناس کورد لە تێلیگرام جۆین بکە   

 

ئەمڕۆ شەممە ٢٠٢٢/٩/٣ ئاوات جەناب نوری، وەزیری دارایی و ئابوری حکومەتی ھەرێم، بە ئامادەبونی د.کەمال تەیب، بەڕێوەبەری گشتی باج و خانوبەرەی میری و بەڕێوەبەری بەڕێوەبەرایەتی باجی سلێمانی و سیروان محەمەد سەرۆکی ژوری بازرگانی و ژماریەکی بەرچاو لە بازرگانان و پیشەسازانی سنوری پارێزگای سلێمانی کۆبوونەوە.

 

لە ڕاگەیەنراوێکدا وەزارەتی دارایی ڕایگەیاند، "لەو کۆبونەوەدا، کە لە ژوری بازرگانی سلێمانی بەڕێوەچوو، وەزیری دارایی و ئابوری ئاماژەی بەوەکرد، "بازرگان و پیشەسازان ئەو توێژەن کە پێویستە ماندوو بوون و ھەوڵەکانیان بۆ بوژاندنەوەی ڕەوت و ژێرخانی ئابوری کوردستان بەڕێزەوە خەمڵاندنی بۆ بکرێت و وەک وەزارەتی داراییش ھەموو ھەوڵێک دەدەین کە سەرجەم لەمپەرو گرفتەکانی بەردەم ئەو توێژە نەھڵن و بەجۆرێکیش ڕێکخستنەوە بۆ شێوازی باجی سەر بازرگانان ڕێکبخەنەوە سودی گشتی لەسەروو ھەموو بەرژەوەندییەکانەوە تێیدا جێگیربکرێت." 

 

بەگوێرەی ڕاگەیەنراوەکە، لە کۆبوونەوەکەدا وەزیری دارایی و ئابوری بڕیاریدا، لیژنەیەکی تایبەت کە وەک ھێڵی گەرمی نێوان بازرگانان و وەزارەت  پێکبھێنرێت و نوێنەری ھەریەک لە ژوری بازرگانی و پیشەساز و بازرگانانی تێدابێت.