گه‌ڕان

Shadow Shadow
سیاسه‌تی

زانیاریی زیاتر

بارزانی هۆکاری هێنانی حکومەتی عێراقی لە 31ی ئابدا ئاشکرا کرد

2022.08.31 - 12:22
App store icon Play store icon Play store icon
بارزانی هۆکاری هێنانی حکومەتی عێراقی لە 31ی ئابدا ئاشکرا کرد

ناس کورد-

مەسعود بارزانی لە کتێبە نوێیەکەیدا لەبارەى ڕووداوەکانی 31ی ئابی 1996ـەوە دەڵێت، ئێران ڕاستەوخۆ هاتبووە ناو شەڕ و "بۆ لابردنی خراپتر و به خراپ" ڕازی بوون بە هاتنی سوپای عێراق بۆ هەولێر.

کەناڵی ناس کورد لە تێلیگرام جۆین بکە   

 

بارزانی لە بەرگی پێنجەمی كتێبی "بارزانی و بزووتنەوەی ڕزگاریخوازی كورد - راپەڕین، دەرفەت و ئاستەنگەكان" كە تایبەتە بە گێرانەوەی ڕووداوەكانی نێوان ساڵانی 1991 تا 2002 دەڵێت، "تا دەهات بەشداریی ئێران له شەڕدا فرەوانتر دەبوو، به جۆرێک که ڕۆژی 20ی ئابی 1996 له بەرەی قەسرێ و مامه ڕووت تۆپخانەکانی ئێران، سەنگەرەکانی پێشمەرگەی پارتییان به شێوەیەک بۆردومان کرد که لەو میحوەرەدا نزیکەی هەزار پێشمەرگه به ناچاری پەرتوبڵاو بوون. باشترین پێشمەرگەکانی پارتی، که له سوپای بارزان و سوپای کەرکووک پێک دەهاتن، لەو میحوەره بوون. سەد و چل شەهید و چوار سەد بریندار هەبوو."

 

دەشڵێت، "دوای ئەوەی دەرکەوت که ئێران ڕاستەوخۆ هاتووەته ناو شەڕەکەوه، سەدام، مانع عەبد رەشید، بەڕێوەبەری موخابراتی نارده کوردستان و ئامادەییی خۆی نیشان دا بۆ یارمەتیدانی پارتی دژی دەستوەردانەکانی ئێران. منیش داوام لێ کرد، ژمارەیەک تۆپی 130 ملم و کاتیوشا 107 و 122 ملم به میلاک و ستافەکەیانەوه بنێرن بۆمان، چونکه کاتی ڕاهێنانمان نییه."

 

بارزانی باسی لەوەشکردووە کە "دواتر وەڵامیان ناردەوه که ئامادەين يارمەتيتان بدەين و هەولێر رزگار بكەين. ئەوەی ڕاستی بێت به هیچ شێوەیەک بیرم لەوه نەدەکردەوه که بەم شێوەیه جددی بن له کارەکەدا. به مەبەستی هەڵسەنگاندنی بارودۆخ و دواپێشهاتەکان و داواکەی حکوومەتی عێراق، كۆبوونەوەیەکی سەرکردایەتیمان بەڕێوەبرد و بەبێ هیچ دوودڵییەک داواکەمان پەسەند کرد."


بارزانی زیاتر دەڵێت و دەیگێڕێتەوە، "دیاره قاعیدەیەکی فیقهی هەیه که دەڵێت "دفع الأفسد بالفاسد"؛ واته لابردنی خراپتر و فاسدتر به خراپ و فاسد."

 

بۆیە "شەوی 31ی ئاب جارێکی تر پیللترۆ (کاربەدەستی ئەمریکی) به تەلەفۆن پەیوەندیی کردەوەو گوتی: "بەپێی ئەو زانیارییانەی بۆمان هاتوون جموجۆڵ و جووڵەیەکی ناسروشتی له باشووری هەولێر بەدی دەکرێت. ئایا بابەتەکه به چ شێوەیەکه و چییه؟" منيش له وەڵامدا پێمڕاگەیاند، "به دڵنیایییەوه زانياريتان لەسەر جموجوڵەکانی باکوور و ڕۆژهەڵاتی هەولێر هەیه". دواتر پرسیی: "ئایا ئەگەری دەستوەردانی عێراق هەیه؟" پێمگوت: "کاتێک ئێران مافی هەبێت دەست بخاته ناو بابەتەکانەوه، بۆ عێراق ئەو مافەی نەبێت؟"