گه‌ڕان

Shadow Shadow
سیاسه‌تی

عەبدوستار مەجید: بێمنەتم

رێواز فایەق لەسەر هەڵگرتنى پارێزبەندى سەر عەبدوستار مەجید وەڵامى دادگا دەداتەوە

2022.08.30 - 18:50
App store icon Play store icon Play store icon
رێواز فایەق لەسەر هەڵگرتنى پارێزبەندى سەر عەبدوستار مەجید وەڵامى دادگا دەداتەوە

ناس کورد-

 

سەرۆکى پەرلەمانى کوردستان جەختدەکاتەوە ناتوانرێت رێکارى یاسایی بەرانبەر عەبدوستار مەجید سەرۆکى فراکسیۆنى کۆمەڵى دادگەرى بگیرێتەبەر لەبەرئەوەى پارێزبەندى لەسەرە، عەبدوستار مەجیدیش دەڵێت بێمنەت و بێباکە.

کەناڵی ناس کورد لە تێلیگرام جۆین بکە   

 

رێواز فایەق لەنوسراوێکدا بۆ ئەنجومەنى دادوەرى لەبارەى داواى هەڵگرتنى پارێزبەندى لەسەر عەبدوستار مەجید و گرتنەبەرى رێکارى یاسایی بەرانبەرى ئاماژەى بەوەکردووە، کە ناتوانرێت رێکارى یاسایی بەرانبەرى بگیرێتەبەر لەبەرئەوەى پارێزبەندى هەیە.

 

لاى خۆیەوە، عەبدوستار مەجید لە راگەیەنراوێکدا کە دەست "ناس کورد" کەوتووە وتى "زۆر بێمنەت و بێباکم لە چون بۆ دادگا و ئەسڵەن پێویستی بە پارێزبەندیش نیە چونکە دەزانین چیمانکردووە و چیمان وتووە".

 

دەشڵێت "بەڵام لە دوو شت تێنەگەیشتم، ئەوەی سکاڵاکەی کردووە کێیە وا نەیوێراوە ناوی بنوسرێت کە لە ڕوی قانونیەوە پێویستە سکاڵاکار دیار بێت! دووەم، خۆ دەبێت بزانم تاوانم چیە ؟، قاچاخچێتی نەوتم کردوە یان سامانی وڵات و داهاتی خەڵکم دزیوە بۆ خۆم و بنەماڵەکەم؟ بازرگانیم لەگەڵ داعش کردووە یان نیوەی خاکی کوردستانم دۆڕاندوە؟ ئێ خۆ دەبێت بزانین کێ سکاڵاکارە و تاوانباریش تاوانی چیە؟".

 

بەپێی نوسراوێكی دادگای تێهەڵچوونەوەی هەولێر كە ئاراستەی ئەنجومەنى دادوەرى كراوە و میدیاى فەرمى کۆمەڵ بڵاویکردووەتەوە، داوا کراوە پارێزبەندی یاسایی لەسەر عەبدوستار مەجید، سەرۆكی فراكسیۆنی كۆمەڵی دادگەری لە پەرلەمانی كوردستان هەڵبگیرێت.  

  

لەنوسراوەکەدا ئاماژە بە هیچ سكاڵایەك نەکراوە، بەڵام ئاماژە بە وەرگرتنى رێکاریی یاسایی کراوە لەدژى عەبدوستار مەجید بەپێی ماددەى (240) ى یاساى سزادانى عێراقى.  

  

ئەو ماددەیە تایبەتە بە سەرپێچیکردنى بڕیارەکانى حکومەت و دام و دەزگا فەرمییەکان و سزاى شەش مانگ یان 100 هەزار دینارى دیاریکردووە بۆ هەر کەسێک کە سەرپێچى بکات.  

 

پێشتر و لە ئایارى 2020، بەدەنگى 57 پەرلەمانتار، پارێزبەندى لەسەر سۆران عومەر پەرلەمانتارى فراکسیۆنى کۆمەڵ هەڵگیرا.    

No photo description available.No photo description available.May be an image of one or more peopleNo photo description available.No photo description available.