گه‌ڕان

Shadow Shadow
سیاسه‌تی

زانیاریی زیاتر

ئاوات شێخ جەناب ڕوونکردنەوە دەدات: بۆ چاکسازی هاتووین

2022.08.29 - 14:01
App store icon Play store icon Play store icon
ئاوات شێخ جەناب ڕوونکردنەوە دەدات: بۆ چاکسازی هاتووین

ناس کورد-

کونسوڵى گشتى نوێى ئەمەریکا سەردانى وەزارەتى دارایی و ئابوورى کرد و وەزیری دارایی دەڵێت، ئەوان بە مەبەستى چاکسازى هاتوون، لە کابینەى نۆیەمدا بە هەموو لایەک بەرەو چاکسازى هەنگاو دەنێن.

کەناڵی ناس کورد لە تێلیگرام جۆین بکە   

 

ئیرڤین هیکس، کونسوڵى گشتى نوێى ئەمەریکا و شاندێکى یاوەرى لە یەکەى ئابوورى کونسولخانەى گشتى ئەمەریکا (دووشەممە 29-8-2022) سەردانى وەزارەتى دارایی و ئابوورییان کرد و لەگەڵ ئاوات جەناب، نوری وەزیری دارایی و ئابووری کۆبوونەوە.

 

بەگوێرەی ڕاگەیەنراوێکی وەزارەتی دارایی، سەرەتاى کۆبوونەوەکە، کونسوڵى گشتى نوێى ئەمەریکا تێڕوانینى خۆى سەبارەت بە هەماهەنگى نێوان وەزارەتى دارایی و ئابوورى و کونسوڵى گشتى ولایەتە یەکگرتووەکانى ئەمەریکا خستەڕوو و ئاماژەى بەوەکرد، ئاگادارى دروستبوونى ئەو هاوکاری و هەماهەنگیەن کە بەرپرسانى ئەمەریکا هەیەتى لەگەڵ دامەزراوەکانى حکومەتى هەرێمى کوردستان و بە تایبەت وەزارەتى دارایی و ئابوورى.

 

ئاماژە بەوەشکراوە، ئاوات جەناب نوری، وەزیری دارایی و ئابووری باسى لەوەکرد، ئەوان بە مەبەستى چاکسازى هاتوون، لە کابینەى نۆیەمدا بە هەموو لایەک بەرەو چاکسازى هەنگاو دەنێن، بۆیە پێویستیان بە هاوکارى و پشتیوانى هەموو لایەک هەیە، چاکسازى یەکێک لە مەبەستە سەرەکییەکانى حکومەتى ئەمەریکایەو بۆیە پالپشتى ئەوانیان پێویستە.

 

لای خۆشیانەوە، شاندی میوان ئاماژەیان بەوەدا کە لە ڕێکەوتى ١٢/٩ى ئەمساڵ پڕۆژەیەکى گەورە بەمەبەستى بە ئەلیکترۆنیکردنى کاروبارەکانى مامەلەى خانەنشینى بەسەرپەرشتى USAID و کونسوڵخانەى ئەمەریکا  و بە پاڵپشتى نەتەوە یەکگرتووەکان بەڕێوەدەچێت، کە کۆڵەکەى جێبەجێ کردنى ئەم پڕۆژەیە وەزارەتى دارایی و ئابوورییە، بەجێبەجێ کردنى ئەم پڕۆژەیە مامەڵەى نووسراوى کاغەزى نامێنێت.

 

بەگوێرەی ڕاگەیەنراوەکە، هاوکات، ئاوات جەناب نوری وەزیری دارایی و ئابووری باسى لەسەرجەم ئەو هەوڵانە کرد کە دەیانەوێت لەم کابینەیە سەرجەم بەڕێوەبەرایەتیەکانى وەزارەتى دارایی و ئابوورى بە ئەلکترۆنى بکرێن، ئەمەش دەبێتە هۆى زوو ڕایکردنى کاروبارى هاوڵاتیان و کەم کردنەوەى ڕۆتین.

 

وەزارەتی دارایی دەڵێت، "لەکۆتاییدا، ئیرڤین هیکس سەرۆک کونسولى نوێى ئەمەریکا مەدالیاى هاوڕێیەتى و هەماهەنگى بەخشیە بەڕێز ئاوات جەناب نوری وەزیری دارایی و ئابووری."