گه‌ڕان

Shadow Shadow
سیاسه‌تی

بەپەلە

ڕێباز حەملان لەبارەی ’’دەستگیرکردنی برایەکی لەسەر کاری نایاسایی’’ ڕوونکردنەوە دەدات

2022.08.27 - 18:36
App store icon Play store icon Play store icon
ڕێباز حەملان لەبارەی ’’دەستگیرکردنی برایەکی لەسەر کاری نایاسایی’’ ڕوونکردنەوە دەدات

ناس کورد-

نووسینگەى رۆژنامەوانیى رێباز حەملان، یاریدەدەرى سەرۆکى حکوومەت روونکردنەوەیەکی لەبارەی دەنگۆی دەستگیرکردنی برایەکی رێباز حەملان لەلایەن ئاسایشی سلێمانییەوە بڵاوکردەوە.

کەناڵی ناس کورد لە تێلیگرام جۆین بکە   

 

لە روونکردنەوەکەی نووسینگەى رۆژنامەوانى رێباز حەملان (شەممە 27-8-2022) هاتووە، "لە چەند ماڵپەر و پەیجێکى سۆشیال میدیا، دەنگۆى ئەوە بڵاوکراوەتەوە کە برایەکی، بەڕێز رێباز حەملان، یاریدەدەرى سەرۆکى حکومەت لەلایەن ئاسایشى سلێمانیەوە دەستگیرکراوە".

 

ئاماژەی بەوەشکردووە، "لێرەوە بە هەموو لایەکى ڕادەگەیەنین ئەم دەنگۆیانە سەر لەبەرى دورن لە راستیەوە".

 

ئەوەشی خستووەتەڕوو، "ڕاستیەکە ئەوەیە کەسانێک، لەناویاندا پەرلەمانتارێکى موزایەدەچى کە عوقدەی ھەیە، ساڵانێکە بەردەوام بە هەموولایەکدا پەلامارى بەڕێز رێباز حەملان دەدەن، دواى ئەوەى هەموو هەوڵەکانیان شکستخواردوو بوون، هەرگیز نەیانتوانى بۆ یەکجاریش ئەو سەدان تۆمەتە پشتراست بکەنەوە کە دەیدەنە پاڵ بەڕێزیان، ئێستا بەوەشەوە نەوەستاون، کەوتونەتە تۆمەت لەسەر کەسە نزیکەکانی بەڕێزیان کە براکانی نە کارمەندى حکومەتن و نە کادرى حیزبین و نە بە هیچ شێوەیەک پەیوەندییان بە هیچ کارێکى گشتیەوە هەیە و ئێستا خەریکى کار و ژیانى ئاسایی خۆیانن و لەلایەن هیچ دەزگایەکى ئەمنیەوە دەستگیر نەکراون و داواکراونین".

 

لە ڕوونکردنەوەکەدا ئەوەش هاتووە، "سەرلەبەری ئەو ھەواڵە ناراست و چەواشەکارییە و ھیچ کات ئەم ھەوڵە نەزۆکانە کارو خزمەتی بەرێز رێباز حملان بۆ میللەت و نیشتمانەکەی ناوەستێنێ و بەردەوام دەبێت".