گه‌ڕان

Shadow Shadow
سیاسه‌تی

زانیاریی زیاتر

زانیاری لەبارەی دابەشکردنی نەوتی سپیی ماڵان بۆ زستانی ئەمساڵ

2022.08.25 - 16:13
App store icon Play store icon Play store icon
زانیاری لەبارەی دابەشکردنی نەوتی سپیی ماڵان بۆ زستانی ئەمساڵ

ناس کورد-

بڕیارە هەفتەی داهاتوو لیژنەی سامانە سروشتییەکان لە پەرلەمانی کوردستان کۆببێتەوە و جێگری سەرۆکی لیژنەکەیش دەڵێت، یەکێک لە تەوەرەکانی کۆبوونەوەکە تایبەت بە پرسی نەوتی سپی ماڵان دەبێت بۆ وەرزی زستان.

کەناڵی ناس کورد لە تێلیگرام جۆین بکە   

 

گوڵیزار رەشید سندی، جێگری سەرۆکی لیژنەی وزە و سامانە سروشتییەکان لە فراکسیۆنی پارتی (پێنجشەممە 25-8-2022) بە ماڵپەڕی فەرمیی حزبەکەی ڕاگەیاند، "بڕیارە هەفتەی داهاتوو لیژنەی سامانە سروشتییەکان لەبارەی پرۆسەی نەوتی ماڵان کۆببێتەوە و تێیدا یاداشتێک ئاراستەی حکوومەت و لایەنە پەیوەندارەکان دەکرێت بۆ ئەوەی بزانین پلانی حکوومەت بۆ ئەمساڵ چی دەبێت بۆ دابەشکردنی نەوتی سپی، بەتایبەتی لە ئێستادا بەرەو وەرزی پایز دەچین." 

 

ئاماژەی بەوەشکردووە، "ئەمساڵ بەھۆی بەرزبوونەوەی نرخی نەوت لە بازاڕەکانی جیھان نرخی نەوتی سپیش لە بازاڕەکانی ھەرێمی کوردستان بەشێوەیەکی بەرچاو بەرزبووەتەوە، ئەوەش کاریگەری لەسەر ژیان و گوزەرانی ھاووڵاتیان دەبێت، کە پێویستە حکوومەت پلانی ھەبێت بۆ ئەوەی بارگرانی نەکەوێتە سەر ھاووڵاتیان."

 

باسی لەوەشکردووە، " ساڵی رابردوو رێککەوتن ھەبوو لەنێوان ھەرێم و بەغدا بۆ ئەوەی حکوومەتی فیدڕاڵ بەسێ قۆناغ هەر قۆناغێک 50 ملیۆن لیتر نەوتی سپی بداتە ھەرێمی کوردستان، بەڵام بەداخەوە تا سەرەتای مانگی شوبات بەغدا تەنها 10 ملیۆن لیتری رەوانەکرد و دواتر پابەند نەبوو، حکوومەتی بەغدا نەوت بە نرخی پالپشتیکراو لەسەر هاوولاتیانی خۆی دابەش دەکات، کەچی ئامادەنەبوو بە شێوەی بازرگانیش بیداتە هەرێمی کورستان، ئێمە دەمانەوێت بزانین حکوومەتی ھەرێم لەگەل فیدڕاڵ ئەمساڵ چی دەکات بۆ دابینکردنی نەوتی سپی."