گه‌ڕان

Shadow Shadow
سیاسه‌تی

ناس کورد ئاشکرای دەکات

هەوڵێک بۆ کۆبوونەوەی پەرلەمانی عێراق لە سلێمانی ئاشکراکرا

2022.08.23 - 20:27
App store icon Play store icon Play store icon
هەوڵێک بۆ کۆبوونەوەی پەرلەمانی عێراق لە سلێمانی ئاشکراکرا

ناس کورد-

سەرچاوەیەكی سیاسیی ئاگادار بە ناس کوردی ڕاگەیاند، هەوڵێك هەیە كۆبوونەوەی پەرلەمانی عێراق لە سلێمانی گرێ بدرێت و تا ئێستاش لەو بارەیەوە گفتوگۆ و مشتومڕ هەیە.

کەناڵی ناس کورد لە تێلیگرام جۆین بکە   

 

سەرچاوەکە وتیشی، ئەم هەوڵە لە پاش ئەوە دێت كە تەلاری پەرلەمان لەلایەن سەدرییەكانەوە داگیر كراوە.

 

دۆخی عێراق پێی ناوەتە قۆناغێکی مەترسیدار و هەستیار، ئەمڕۆ دواى ئەوەى لایەنگرانى ڕەوتى سەدر چوونە بەردەمى بیناى ئەنجومەنى باڵاى دادوەرى و داواى هەڵوەشاندنەوەى پەرلەمانیان کرد، ئەنجومەنى باڵاى دادوەرى عێراق سەرجەم کارەکانى هەڵپەسارد.

 

بەهۆی خۆپیشاندانی لایەنگرانی سەدر لەبەردەم ئه‌نجومه‌نی دادوه‌ری عێراق، ئەنجومەنەکە (سێشەممە 23-8-2022) له‌رێگه‌ی ئۆنڵاینه‌وه‌ كۆبووه‌وه‌ و له‌ راگه‌یه‌ندراوێكدا هه‌ڵپه‌ساردنی ته‌واوی كاره‌كانی هه‌موو دادگاكانی له‌ ناوخۆیی عێراقدا راگه‌یاند.

 

بەڵام ئێوارەی ئەمڕۆ موقتەدا سەدر، ڕێبەری ڕەوتی سەدر داوای لە خۆپیشاندەران کرد لە بینای ئەنجومەنی دادوەری بکشێنەوە و لەناو خێمەکانیاندا بمێننەوە.

 

هاوکات نێچیرڤان بارزانی، سەرۆکی هەرێمی کورستان نیگەرانی خۆی لە دواین ڕووداوەکانی بەغدا ڕاگەیاند و داوا لە گشت لایەنەکان دەکات کە "وڵات پێويستى به‌ گفتوگۆيه‌كى جدديى نيشتمانى و ‏به‌رپرسيارانه‌ هەیە لەسەر بنەمای دەستور."

 

دواتر دەستەی حەشدی شەعبی ڕایگەیاند، نابنە لایەنێک لە قەیرانی سیاسیی ئێستا بەغدا.

 

دەستەکە لە ڕاگەیەنراوێکدا (23ی ئابی 2022) دەڵێت، "پابەندین بە پاراستنی ئاشتی مەدەنی و بەرگری لە دەوڵەت و ڕێگری لە ڕووخانی و پاراستنی دەستور."