گه‌ڕان

Shadow Shadow
سیاسه‌تی

ئاسایشی سلێمانی: دوو شانەی نەنوستووی داعشمان دەستگیرکرد

2022.08.23 - 19:40
App store icon Play store icon Play store icon
ئاسایشی سلێمانی: دوو شانەی نەنوستووی داعشمان دەستگیرکرد

ناس کورد-

به‌ڕێوه‌به‌رایه‌تی ئاسایشی پارێزگای سلێمانی ده‌ستگیركردنی 17 ئەندامی شانه‌ی نه‌نوستووی داعشی ڕاگه‌یاند.

کەناڵی ناس کورد لە تێلیگرام جۆین بکە   

 

بەپێی زانیاریی دراو لەلایەن ئاسایشی سلێمانی، ئەو کەسانەی له‌ سه‌ربنه‌مای زانیاری هه‌واڵگری و به‌دواداچوون و لێكۆڵینه‌وه‌، له‌چه‌ند هه‌ڵمه‌تێكی جیادا له‌ سلێمانی، چه‌مچه‌ماڵ، ته‌كیه‌ و باریكه‌ ده‌ستگیركراون.

 

دەشڵێت، "دووان لە ئەندامانی ئەو شانانە ژنن، گروپی یەکەمیان پیلانیان بۆ تیرۆرکردنی چەند ئەفسەرێکی باڵای پێشمەرگە و چەند مامۆستایەکی ئاینی دانابوو."

 

 

دەقی ڕوونکردنەوەکە:

دوای بەدەستخستنی زانیاری دروست و ئاشكرابوونی پیلانەكانیان خرانە ژێرچاودێری شەوی ١٧ / ١٨ لەچەمچەماڵ لەكاتی ھەوڵدان بۆ دۆزینەوەی رێگایەك بۆھیجرەتكردنیان بۆ ناو تیرۆریستانی داعش پێنج ( ٥) لەئەندامەكانیان بەھاوكاری ئاسایشی رۆژئاوای سلێمانی دەستگیركران كەدانیشتووی تەكیەن دانیان بەتاوانەكانیاندا نا ، كە ٣ ( سێ ) جار ھەستاون بە تێكدان و شكاندنی كێلی مەرقەد و پیاوچاكانی شێخانی كانی چنار لەگوندی كانی چنار و دارئەسحابە ، و پەیكەری عەبدولرەحمان پاشای بابان - شیان لە دەربەندی بازیان سوتاندووەو لەچەندین شوێن و جێگای جیاوازیش دروشمی تیرۆریستانی داعشیان نووسیووەو ئاڵای تیرۆریستانیان ھەڵكردوەو دووجاریش ئاڵای كوردستانیان لەدەربەندی بازیان كە بەرووكاری تەكییە شێواندوەو لەھەوڵی بەدەستخستنی چەكیشدا بوون تا چەند چالاكییەك ئەنجام بدەن، كە سەرجەمیان شەوی ١٧ / ١٨ ئابی ٢٠٢٢ دەستگیركران.
- تیرۆریست ( زێوەر زاھیر)
- تیرۆریست ( بێستون حەكیم ) ناسراو بە سەلاحەدین بن عەبدولعەزیز
- تیرۆریست ( ئەیوب كەمال )
- تیرۆریست ( بڕوا عەدنان ) ناسراوە بە مەروان كوردی
- تیرۆریست ( بەڵێن سەباح ) ناسراوە عوبەیدە كوردی
ھەرپەیوەست بەھەمان گروپەوە لەئۆپراسیۆنێكدا لە تەكیە شەوی ٢٠ /٢١ ئابی ٢٠٢٢ تیرۆریست ( محەمەد جومعە ) دەستگیركرا .
تێبینی / دانپێدانانی ژمارەیەك تیرۆریست .
١ - محەمەد ئیبراھیم ناسراو بە ئەبو جولەیبیب
٢ -ئاكام بەھادین ناسراو بە ئاكام كوردی
٣-بەڵێن سەباح ناسراو بە عوبەیدەی كوردی
٤-فریشتە حاتەم
٥ -بڕوا عەدنان ناسراو بە مەروان كوردی
لەبارەی شكستپێھێنانی مەرامی تیرۆریستان لێكۆڵینەوەكان چڕتركرانەوە و شەوی ٢٢ / ٢٣ ئابی ٢٠٢٢ لە چەمچەماڵ و تەكیە ، ژمارەیەك تۆمەتباری دیكە كەپەیوەندیی راستەوخۆیان ھەبووە بەم گروپەوە بەھاوكاری بەڕێوەبەرایەتی ئاسایشی رۆژئاوای سلێمانی دەستگیراكران و لەبەر ھەستیاری دۆسێ كە ، ناو زانیارییەكانیان بە شاراوەیی ھێڵرایە تا تەواوبوون لێكۆڵینەوەكان زانیاری زیاتر بۆ كۆمەڵانی خەڵك ئاشكرادەكەین .
بەناوی بەڕێوەبەرو سەرجەم ئەفسەران و كارمەندانی بەڕێوەبەرایەتی ئاسایشی سلێمانی جارێكی تر پرسەو سەرەخۆشی و ھاوخەمی قووڵی خۆمان ئاڕاستەی بنەماڵەی تێكۆشەری شەھید كاكە ( ئەحمەد شەوكەت ) دەكەین ، خۆمان بەبەشداری ماتەمیان دەزانین كە لەكاتی شكستپێھێنانی پیلانێكی گەورەی تێكدانی ئاسایشی ھەرێم و تیرۆركردنی چەند مامۆستایەكی پایەبەرزی ئاینی و ژمارەیەك ئەفسەرو پێشمەرگە، شەھید بوو، كە بەخوێنی ئاڵی كاكە ئەحمەد مەرامێكی تری تیرۆریستان لەگۆڕنرا .
ئێمە بەڵێنمان بە بنەماڵەی سەربەزی شەھید كاك ئەحمەد و روحی پاكی دا ، كەخوێنی بەفیڕۆنەڕوات و لەچەند رۆژی رابردوو بێ پشوو شەوڕۆژ لەكاردابووین تا تەواوی ئەندامانی ھەردوو گروپەتیرۆریستییەكەمان دەستگیركرد تا رۆحی كاك ئەحمەد شادبێت .
وەك ھەمیشە بۆ ھەموولایەكی رووندەكەینەوە ھێزەكانی ئاسایش لەسەنگەری خەڵك ، سەروەری یاسا ، ئاسایش و پاراستنی سەروماڵی خەڵك و ئارامی ھەرێمی كوردستان دەبێت ، ئەركی سەرەكیمان رووبەڕووبوونەوەی ھەر پیلانێكە كە بیەوێت ژیان لەخەڵك تێكبدات .سوپاس و پێزانینی بێپایانمان دەردەبڕین بۆ ھاووڵاتیان كە ھەمیشە ھاوكار و پشتیوانی سەرخستنی ئەركەكانمانن.
پشتیوان بەخوای گەورەو بەھاوكاری ھەمووان و ھێزه ئەمنییەكان ، بەردەوامین لە پاراستنی كوردستانەكەمان و سەقامگیری زیاتری ئاسایش و رووبەڕووبوونەوەی یاساشكێنان و ھەڵھاتوان لەیاسا .
لەگەڵ رێزدا
بەرێوەبەرایەتی ئاسایشی پارێزگای سلێمانی

me_ga.php?id=5507me_ga.php?id=5511me_ga.php?id=5504me_ga.php?id=5503me_ga.php?id=5508me_ga.php?id=5502me_ga.php?id=5501me_ga.php?id=5500me_ga.php?id=5505me_ga.php?id=5509me_ga.php?id=5506me_ga.php?id=5499me_ga.php?id=5510me_ga.php?id=5498