گه‌ڕان

Shadow Shadow
سیاسه‌تی

بەپەلە

ئەنجومەنی باڵای دادوەری فەرمانێکی لە دژی ڕەوتی سەدر دەرکرد

2022.08.23 - 13:50
App store icon Play store icon Play store icon
ئەنجومەنی باڵای دادوەری فەرمانێکی لە دژی ڕەوتی سەدر دەرکرد

ناس کورد-

ئەنجومەنی دادوەریی عێراق، فه‌رمانی ده‌ستگیركردنی غەیب عه‌میری، سەرکردە لە ڕه‌وتی سه‌در دەکرد و داوا لە دەزگا ئەمنییەکان دەکات بەزووترین کات دەستگیری بکەن.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ئەنجومەنی باڵای دادوەریی عێراق (سێشەممە 23-8-2022) ڕایگەیاند، "بە تۆمەتی هاندانی کوشتنی دادوەران، دادگای لێکۆڵینەوەی کەرخ فەرمانی دەستگیرکردنی بۆ غەیب عامری دەرکردووە و گەشتکردنی لێ قەدەغە کراوە." 

 

ئاماژەی بەوەشکردووە، داوا لە دەزگا ئەمنییەکان دەکات بەخێرایی فەرمانەکە جێبەجێ بکەن.

 

لەلایەکی دیکەوە، لە ڕاگەیەنراوێکدا ئەنجومەنی باڵای دادوەریی عێراق (سێشەممە 23-8-2022) ڕایگەیاند، "بە تۆمەتی هەڕەشەکردن لە دەسەڵاتی دادوەری دادگای لێکۆڵینەوەی کەرخ فەرمانی دەستگیرکردنی بۆ سەباح ساعدی دەکرد".  

 

ڕۆژی (سێشەممە 23-8-2022) ژمارەیەکی لە لایەنگرانی سەدر لەبەردەم ئەنجومەنی باڵای دادوەریی عێراق خێمەیان هەڵدا و مانگرتنیان ڕاگەیاند، هاوکات چەند داوایەکیشیان ئاڕاستەکرد کە یەکەمینیان هەڵوەشاندنەوەی پەرلەمانیانە، هەر بەوهۆیەوە، ئەنجومەنی دادوەریی عێراق کاری سەرجەم دادگاکانی لە عێراق هەڵپەسارد.

 

لەئێستادا، هەردوو دامەزراوەی پەرلەمان و ئەنجومەنی دادوەری لە عێراق کارەکانیان ڕاگیراوە و تەنها ئەنجومەنی وەزیران وەک حکومەتێکی کاربەڕێکەر کارەکانی بەڕێوەدەبات.