گه‌ڕان

Shadow Shadow
سیاسه‌تی

زانیاریی زیاتر

بایەکی فێنک ڕوو لە هەرێم دەکات و باران دەبارێت

2022.08.22 - 15:26
App store icon Play store icon Play store icon
بایەکی فێنک ڕوو لە هەرێم دەکات و باران دەبارێت

ناس کورد- 

بەگوێرەی پێشبینییە کەشناسییەکان، لە سبەینێوە بایەکی فێنک ڕوو لە بەشێک لە ناوچەکانی هەرێم دەکات و ئەگەری بارانبارینیش لە ناوچە شاخاوییەکان هەیە.

کەناڵی ناس کورد لە تێلیگرام جۆین بکە   

 

لە بڵاوکراوەیەکدا ئاراس جەبار، شارەزای کەشناسی ڕایگەیاند، سبەینێ سێشەممە 23-8-2022 ئاسمانی ھەرێم بەزۆری ساماڵ و لەکاتەکانی دوای نیوەرۆدا کەمێک پەڵە ھەوری دەبێت لەگەڵ ئەگەری نمە باران ھەندێک کات لە ناوچە شاخاوییەکاندا.

 

ئاماژەی بەوەشکردووە، "لەئەنجامی بەردەوامی کاریگەری بارستە ھەوای فێنکی دەریای ناوەراست لەسەر ناوچەکانمان پلەکانی گەرما بەرێژەی ١ پلە لەھەندێ ناوچەدا نزمتردەبنەوە و بەم شێوەیە دەبێت، سلێمانی ٤٠ بە ٢٦، ھەولێر ٤١ بە ٢٧ پلە، دھۆک ٤٠ بە ٢٧ پلە، ھەڵەبجە ٤٠ بە ٢٦ پلە، کەرکوک ٤٢ بە ٣٠ پلە، لەناوچەکانی گەرمیان ٤٣ پلە بە ٢٨ پلە، لە سنوری ئیدارەی راپەرین ٤٠ بە ٢٥ پلە و لە سنوری ئیدارەی سۆران ٤٠ بە ٢٤ پلە دەبێت. 

 

ئەوەشی خستووەتەڕوو، خێرایی با لە ئاراستەی باکوری رۆژھەڵاتەوە لەکاتەکانی سبەی شەودا بۆ بەرەبەیانی رۆژی چوارشەممە 24-8-2022 چالاکتر دەبێتەوە لەناوچەکانی سنوری پارێزگای سلێمانی و ئیدارەی راپەرین و ناوچە شاخاویەکانی رۆژھەڵاتی پارێزگای ھەولێر بەخێرای ٢٠ تا ٤٠ کیلۆمەتر لە کاتژمێرێکدا کە خۆی لە بایەکی فێنکدا دەبینێتەوە.