گه‌ڕان

Shadow Shadow
سیاسه‌تی

نوێ

هۆشداری؛ دوو ڕۆژیتر کێشەیەکی گەورە لە سلێمانی دروست دەبێت

2022.08.21 - 16:12
App store icon Play store icon Play store icon
هۆشداری؛ دوو ڕۆژیتر کێشەیەکی گەورە لە سلێمانی دروست دەبێت

 

ناس کورد-

بەڕێوەبەری سەنتەری فریاکەوتنی سلێمانی ڕایگەیاند، بەهۆی کەمیی بودجە و ئەو بەشەبەنزینەی بۆیان دابین دەکرێت، لە دوێنێوە نیوەی خزمەتگوزارییەکانیان راگرتووە، هۆشداریش دەدات، ئەگەر تاوەکو دوو رۆژی دیکە دۆخەکە بەو شێوەیە بەردەوام بێت، سەرجەم خزمەتگوزارییە پزیشکییەکانی سەنتەرەکە رادەگیرێن.

کەناڵی ناس کورد لە تێلیگرام جۆین بکە   

 

سامان نادر، بەڕێوەبەری سەنتەری فریاکەوتنی سلێمانی لە لێدوانێکی ڕۆژنامەوانیدا (یەکشەممە 21-8-2022) ڕایگەیاند، "بەهۆی کەمیی بەنزینەوە لە دوێنێ شەممەوە نیوەی کارەکانمان راگرتووە و ناتوانین وەکو پێویست کارەکانمان بکەین، ئەگەر ئەم دۆخە بەردەوام بێت، لە دوو ڕۆژی داهاتوودا 100٪ی کارەکانمان رادەوەستێت."

 

ئاماژەی بەوەشکرد، " پێشتر کە لیترێک بەنزین بە 750 دینار بوو، بودجەیەکمان بۆ تەرخانکرابوو و ئێستا هەمان بودجەیە، بەڵام پێشتر بەو بودجەیە 200 لیتر بەنزینیان دەکڕی و ئێستا دەتوانین تەنیا 60 لیتر بەنزین بکڕین، بۆیە دەبێت بودجەکە زیادبکرێت کە چەند جارێکیش داوا و نووسراومان کردووە، بەڵام هیچ وەڵاممان وەرنەگرتووەتەوە."

 

باسی لەوەشرد، "ئێستا تەنها دەتوانین بۆ رووداوەکانی هاتووچۆ و ئەوانەی کە زۆر پێویستن بەدەم نەخۆشەوە بچین."