گه‌ڕان

Shadow Shadow
سیاسه‌تی

زانیاریی زیاتر

گفتوگۆکانی ئێران و سعودیە ’’گەیشتووەتە قۆناغی ئاساییکردنەوەی پەیوەندییەکان’’

2022.08.20 - 14:03
App store icon Play store icon Play store icon
گفتوگۆکانی ئێران و سعودیە ’’گەیشتووەتە قۆناغی ئاساییکردنەوەی پەیوەندییەکان’’

ناس کورد-

وتەبێژی لیژنەی ئاسایشیی نیشتمانی و سیاسەتی دەرەوە لە پەرلەمانی ئێران ئاشکرای کرد، دانوستانەکانی نێوان ڕیاز و تاران گەیشتووەتە قۆناغ دووبارە ئاساییکردنەوەی پەیوەندییەکان. 

کەناڵی ناس کورد لە تێلیگرام جۆین بکە   

 

ئەبوفەزل عەموئی لە لێدوانێکی بۆ ئاژانسی "مهر"ی ئێرانی (20ی ئابی 2022) وتی، "دانوستان و گفتوگۆکان بۆ گەڕاندنەوەی پەیوەندییەکان گەیشتوونەتە ئاستێکی زۆر باش" و هیوای خواست "دانوستانی دیبلۆماسی نێوان هەردوولا بەزوویی دەستپێبکات، چونکە بەدڵنیاییەوە دەبێتەهۆی زیندووکردنەوەی پەیوەندییە سیاسییەکانیش."

 

 

ئاماژەی بەوەشکرد کە "سەربار ئەوەی ئێران دەوڵەتێکی گەورە و کاریگەرە لە ناوچەکە و ڕەخنە لە سعودیە دەگرێت لە چەند بابەتێکی هەرێمی و نێودەوڵەتی، ئەوە مانای ئەوە نییە کە ئەو دوو وڵاتە پەیوەندییان نەبێت و ڕای یەکتر ئاڵوگۆڕ بکەن."

 

وتەبێژی لیژنەی ئاسایشیی نیشتمانی و سیاسەتی دەرەوە لە پەرلەمانی ئێران وتیشی، "بنیادنانی پەیوەندی دووقۆڵی و بەهێزکردن و چالاککردنی بابەتێکی گرنگە و پێویستی بە کات و کار هەیە."