گه‌ڕان

Shadow Shadow
سیاسه‌تی

زانیاریی زیاتر

وردەکاریی ساتی کوشتنی کەسەکەی دهۆک دوای دابەزینی لە تاکسییەک

2022.08.19 - 18:33
App store icon Play store icon Play store icon
وردەکاریی ساتی کوشتنی کەسەکەی دهۆک دوای دابەزینی لە تاکسییەک

ناس کورد-

دواینوەڕۆی ئەمڕۆ هەینی لەنێو شاری دهۆک تەقە لە کەسێک کرا و گیانی لەدەستدا، شایەتحاڵانی ڕووداوەکەش دەڵێن، کەسەکە لە تاکسییەک دابەزیوە و دراوەتە بەر گوللـە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی دهۆک (هەینی 19-8-2022) ڕایگەیاند، "پاشنیوەڕۆی ئەمڕۆ لە سەنتەری شاری دهۆک گەنجێک کوژرا  و تەرمەکەی ڕەوانەی پزیشکی داد کراوە."   

 

بەوتەی شایەتحاڵانی ڕووداوەکە، ئەو کەسە بە ئۆتۆمبێلێکی تاکسی گەیشتووەتە ئەو شوێنەی کە لێی کوژراوە، بۆ وردکردنەوەی پارە لە تاکسیەکە دابەزیوە، کاتێك گەڕاوەتەوە بۆ لای تاکسیەکە تا پارەی کرێکەی بدات بە شۆفێرەکە، کەسێك تەقەی لێکردووە و هەڵهاتووە. 

 

ناس کورد زانیویەتی،  کوژراوەکە ناوی عەلائەددین نورەددینە و تەمەنی 39 ساڵە و خەڵکی باکووری کوردستانە. 

 

پۆلیسی دهۆک دەڵێت، لێکۆڵینەوە لە ڕووداوەکە دەستیپێکردووە و فەرمانی دەستگیرکردن بۆ بکوژەکە دەرچووە.