گه‌ڕان

Shadow Shadow
سیاسه‌تی

دەڵێت: هەموو کات ئامادەم بۆ شەڕ

کادرێکی باڵای پارتی: من سەربازم لەگەڵ موقتەدا سەدر

2022.08.19 - 13:33
App store icon Play store icon Play store icon
کادرێکی باڵای پارتی: من سەربازم لەگەڵ موقتەدا سەدر

ناس کورد- 

عیماد باجەلان، کادری باڵای پارتی دیموکراتی کوردستان ڕایگەیاند، ئەو سەربازی موقتەدا سەدرە و هەرکاتێک بیانەوێت لە ڕیزەکانیاندا شەڕ دەکات.

کەناڵی ناس کورد لە تێلیگرام جۆین بکە   

 

کادرە باڵاکەی پارتی لە تویتێکدا (هەینی 19-8-2022) ڕایگەیاند، "بەڕێز سالح محەمەد عێراقی (وەزیری سەدر) ناوهێنانم لە تویتەکەتدا لە 19-8، شەرەفێکی گەورەیە بۆ من، ئەوەی دڵخۆشی من زیاتر دەکات،  بەرگریکردنتانە لە مافی من و مافی عێراقییەکان." 

 

باجەلان لە تویتەکەیدا ستایشی ڕەوتی سەدری کردووە و ئاماژەی بەوەکردووە، "مینبه‌ری سه‌درییه‌كان مینبه‌ری خەڵکی ئازادە و هەر بەوشێوەیەش دەمێنێتەوە كه‌ داوای ڕه‌زامه‌ندی خودا ده‌كه‌ن و شوێنپێی ئیمام حسێن ده‌كه‌ون (سڵاوی خوای گه‌وره‌ی له‌سه‌ر بێت) بۆ چاکسازی، هەمان ئەو چاکسازییەی کە نەوەکەی موقتەدا سەدر بەدوایدا دەگەڕێت.

 

کادرەکەی پارتی ڕووی دەمی کردووەتە وەزیرەکەی سەدر و دەڵێت، "جەنابی وەزیر و فەرماندە من سەربازێکم لە ڕیزەکانی ئێوەدا شەڕ دەکەم، لە هەر شوێن و کاتێک ئامادەم." 

 

پێشتر، بەنگین ڕێکانی، وەزیری پێشووی پارتی و سەرکردە لە ڕیزەکانی ئەو حزبە ڕایگەیاند، "عیماد باجەلان نە وتەبێژ نە سەرکردەی پارتییە و لێدوانی لێ قەدەغە کراوە." 

 

لە بەرامبەردا عیماد باجەلان وەڵامی دایەوە و ڕایگەیاند، "هیچ کەس ناتوانێت بێدەنگم بکات."