گه‌ڕان

Shadow Shadow
سیاسه‌تی

نوێ

هۆشدارییەک لە سەدرەوە بۆ مالیکی و چوارچێوەی هەماهەنگی؛ هێندەیان نەماوە

2022.08.18 - 11:48
App store icon Play store icon Play store icon
هۆشدارییەک لە سەدرەوە بۆ مالیکی و چوارچێوەی هەماهەنگی؛ هێندەیان نەماوە

ناس کورد- 

ڕەوتی سەدر هەڵوێستی خۆی لەسەر دانیشتنەکەی دوێنێی لایەنەکان لە ئەنجومەنی وەزیران ڕاگەیاند و دەڵێت، هیچ پەیوەندییەکی بەوانەوە نییە، هۆشداریش دەدات بە لایەنەکانی چوارچێوەی هەماهەنگی و دەڵێت، ئەگەر شۆڕش بەردەوام بێت، هێندەیان نەماوە.

کەناڵی ناس کورد لە تێلیگرام جۆین بکە   

 

محەمەد ساڵح،  عێراقی ناسراو بە وەزیری سەدر لە ڕاگەیەنراوێکدا (پێنجشەممە 18-8-2022) ڕایگەیاند، "دانیشتنەکەی دوێنێی لایەنەکان لە ئەنجومەنی وەزیران چەند خاڵێکی لێکەوتەوە کە هیچ بایەخێکی نییە و خزمەتی گەل ناکات." 

 

ئاماژەی بەوەشکردووە، "زۆرینەی ئامادەبووانی کۆبوونەوەکە، تەنها ئارەزووی مانەوە لەسەر کورسیی دەسەڵات دەکەن، لەکاتێکدا شۆڕش نایەوێت کەسانی وەک ئێوە لە دەسەڵاتدا بمێننەوە، شۆڕش دەیەوێت ئێوە بکشێنەوە." 

 

عێراقی باسی لەوەشکردووە، "ئەوەی جێگای سەرنجە یەکێک لە بەشدارانی کۆبوونەوەکە (عەمار حەکیم) پاش چەند کاتژمێرێک بەرەو سعودیە بەڕێکەوت، لەکاتێکدا ئەگەر ئێمە بووینایە، دەیانوت، دیالۆگەکە لەژێر فشاری دەرەوە و ئەمەریکا و هاوشێوەکانیدا بووە."   

 

وەزیرەکەی سەدر جەختیکردووەتەوە، "بەگشتی دانیشتنەکەتان هیچ پەیوەندی بە ئێمەوە نییە و بەو کارانەتان توڕەی خەڵکیش لە خۆتان زیاتر مەکەن." 

 

دەشڵێت، "ئەی خەڵکی عێراق، بە دیالۆگەکەیان هەڵمەخەڵەتێن، ئەگەر شۆڕش بەردەوام بێت مانەوەیان زۆر نییە."