گه‌ڕان

Shadow Shadow
سیاسه‌تی

زانیاریی زیاتر

پێدەچێت دەستپێکی ساڵی نوێی خوێندن لە هەرێم دوابکەوێت

2022.08.16 - 23:28
App store icon Play store icon Play store icon
پێدەچێت دەستپێکی ساڵی نوێی خوێندن لە هەرێم دوابکەوێت

 

ناس کورد-

ئەنجومەن و ستافی ناڕازیی مامۆستایان و فەرمانبەرانی زانكۆی سلێمانی لە ڕاگەیەنراوێكدا ڕایگەیاند، "سبەی خۆپیشاندانی مامۆستا و فەرمانبەرانی زانکۆی سلێمانی ئەنجام دەدرێت و مەبەستی وەبیرهێنانەوەی داواكارییە سەرەكییەكانی خوێندكاران، فەرمانبەران و مامۆستایان، بە ڕێپێوان بەرەو نوسینگەی جێگری سەرۆكی حكومەت، بەڕێدەكەوین."

کەناڵی ناس کورد لە تێلیگرام جۆین بکە   

 

ئاماژەی بەوەشکردووە، " هەر ئەگەرێكی نەخوازراو بۆ سەرەتای خوێندنی ئەمساڵ دروستبێت، لە ئەستۆی لایەنە پەیوەندیدارەكانە." 

 

دەقی ڕاگەیەنراوەکە: 




مامۆستایان، فەرمانبەران، خوێندكاران

سڵاوی خوای گەورەتان لێبێت.

بابەت: رێپێوانێك بە چەتری سپییەوە.

سبەینێ چوار شەممە، بەرواری ١٧/ ٨/ ٢٠٢٢ كاتژمێر ٩ی بەیانی، لەبەردەم پرسگەی سەرەكی (شەقامی راپەڕین) زانكۆی سلێمانی گرددەبینەوە. پاشان، بە مەبەستی وەبیرهێنانەوەی داواكارییە سەرەكییەكانی خوێندكاران، فەرمانبەران و مامۆستایان، كە لە لۆگۆی دوا نارەزایەتیەكاندا ئاماژەیپێدراوە، بە ڕێپێوان بەرەو نوسینگەی جێگری سەرۆكی حكومەت، قوباد تاڵەبانی، بەڕێدەكەوین. هەروەها ئاگاداركردنەوەیانە لە دوا وادەی وەڵامدانەوەی داواكارییەكان، كە ٣٠/ ٨/ ٢٠٢٢ ە.

لە ماوەی ساڵانی رابردووشدا، تاوەكو لەگەڵ وەرزی نوێی خوێندندا كێشە بۆ دەوام دروست نەبێت، هەمیشە پێش دەستپێكی دەوام هەوڵی چارەسەركردنی كیشە داراییەكانمان داوە. بەڵام بەداخەوە وەك پیشەی هەمیشەییان، دەسەڵات بێ خەم بووەو بێ وەلام بووە . هەربۆیە، هەر ئەگەرێكی نەخوازراو بۆ سەرەتای خوێندنی ئەمساڵ دروستبێت، لە ئەستۆی لایەنە پەیوەندیدارەكانە.

سەركەوتو سەرفراز بن.

تێبینی: بۆ خۆپارێزیی لە گەرما، چەتری سپی بۆ ئامادەبووانی خۆپیشاندانەكە دابینكراوە.

ئەنجومەن و ستافی ناڕازیی مامۆستایان و فەرمانبەرانی زانكۆی سلێمانی.