گه‌ڕان

Shadow Shadow
سیاسه‌تی

وردەکاریی

تەرمی خوشک و برایەک دۆزرانەوە

2022.08.11 - 18:40
App store icon Play store icon Play store icon
تەرمی خوشک و برایەک دۆزرانەوە

ناس کورد-

تەرمى خوشك و برایه‌ك لە نێو ماڵەکەیاندا لە قەزاى خانەقین دۆزرایەوە، بەرێوبەرى پۆلیسى قەزاكه‌ش دەڵێت، نەکوژراون، بەڵکو گیانیان لەدەستداوە دوا بەدوای یەک.

کەناڵی ناس کورد لە تێلیگرام جۆین بکە   

 

بەوتەی دیار شه‌وكه‌ت، بەرێوبەرى پۆلیسى خانەقین (پێنجشەممە 11-8-2022) ئەو دوو تەرمەى دۆزراونەتەوە خوشك و بران، کوڕەکە نه‌خۆشی "داون سیندرۆم"ـى هه‌بووه‌، كچه‌كه‌ش نەخۆش بووە و لەسەر جێگا بووە، دواى ئەوەی خزمێکیان چووە بۆ سەردانیکردنیان زانراوە کە مردوون. 

 

دیار شەوکەت ئاماژەی بەوەشکردووە، " كچەکە تەمەنی 56 ساڵ و كوڕه‌كه‌ش 49 ساڵ بووە، سەرەتا خوشکەکە گیانی لەدەستداوە و پاشان براكەی."

 

به‌ڕێوبه‌رى پۆلیسی خانه‌قین بە ڕادیۆی دەنگی وتووە، " هیچ نیشانەیەکی کوشتن و ئەشکەنجەدانیان پێوە نیە و پێناچێت كوژرابن، به‌ڵكو گیانیان لەدەستداوە، لە ئێستاشدا تەرمەکانمان رەوانەی پزیشکی دادوەری کردوە بۆ توێكاری زیاتر."