گه‌ڕان

Shadow Shadow
سیاسه‌تی

لە سلێمانى

دادگا سکاڵایەکى لەبەرژەوەندى دانیشتووانى پڕۆژەیەکى نیشتەجێ بوون یەکلاکردەوە

2022.08.11 - 10:42
App store icon Play store icon Play store icon
دادگا سکاڵایەکى لەبەرژەوەندى دانیشتووانى پڕۆژەیەکى نیشتەجێ بوون یەکلاکردەوە

ناس کورد-

 

سەرۆکی لیژنەی پلان و پڕۆژەکان لە ئەنجومەنی پارێزگای سلێمانی یەکلابوونەوەى سکاڵایەکى لەبەرژەوەندى دانیشتووانى پڕۆژەیەکى نیشتەجێ بوون لە سلێمانى راگەیاند.

کەناڵی ناس کورد لە تێلیگرام جۆین بکە   

 

رەمەزان نامیق (11-8-2022) لە راگەیەنراوێکدا رایگەیاند، دوای دوو ساڵ چاوەڕوانی دادگای کارگێڕی سکاڵاکەی لەبەرژەوەندی هاوڵاتیانی (پڕۆژەی نیشتەجێی شاری ئەوین) یەکلاکردەوە و بڕیاری کۆتایی لەسەردا.

 

رونیشیکردووەتەوە، "ئێستا پێویستە کۆمپانیا پابەند بێت بەو ڕێگا چارەسەرەی کەلیژنەکەمان و لایەنە پەیوەندیدارەکان داوایان کردووە و پڕۆژەکە وەک گەڕەکێکی شاری سلێمانی سەیربکرێت و نابێت هیچ بڕەپارەیەک بەناوی خزمەتگوزاری لەدانیشتوانەکەی وەربگیرێت و ئەوەشی وەرگیراوە بۆیان بگەڕێنێتەوە".

 

دەقى راگەیەنراوەکە:



لەدادگای کارگێڕی سکاڵایەکمان لەبەرژەوەندی هاوڵاتیانی (پڕۆژەی نیشتەجێی شاری ئەوین ) یەکلاکردەوە :

 

دوای ئەوەی لە (لیژنەی پلان و پڕۆژەکان) سەردانی پڕۆژەی ناوبراومان کرد و بەناهەق پارەی خۆڵ و خاشاک لەدانیشتوانەکەی وەردەگیرا و بەبێ مۆڵەت سکوریتیان بۆپڕۆژەکەیان دانابوو لەگەڵ هەبونی چەندین کەم و کوڕی تر، دواتر لەڕێگەی لیژنەکەمان ولایەنە پەیوەندیدارەکانەوە هەوڵی چارەسەرکردنیانماندا،بەڵام خاوەنی پڕۆژەکە لەجیاتی ئەوەی پابەندی بڕیارەکانی ئێمە بێت بەپێچەوانەوە لەدادگا سکاڵای لەسەر ئەنجومەنی پارێزگای سلێمانی و ( سەرۆکی ئەنجومەنی پارێزگا) تۆمارکرد و ڕەخنەی لەبڕیارەکانمان گرت لەپێناو ئەوەی کێشەی ناو پڕۆژەکە چارەسەر نەکات.

 

دوای دوو ساڵ چاوەڕوانی دادگای کارگێڕی سکاڵاکەی لەبەرژەوەندی هاوڵاتیانی (پڕۆژەی نیشتەجێی شاری ئەوین) یەکلاکردەوە و بڕیاری کۆتایی لەسەردا.

 

ئێستا پێویستە کۆمپانیا پابەند بێت بەو ڕێگا چارەسەرەی کەلیژنەکەمان و لایەنە پەیوەندیدارەکان داوایان کردووە و پڕۆژەکە وەک گەڕەکێکی شاری سلێمانی سەیربکرێت و نابێت هیچ بڕەپارەیەک بەناوی خزمەتگوزاری لەدانیشتوانەکەی وەربگیرێت و ئەوەشی وەرگیراوە بۆیان بگەڕێنێتەوە ..

 

سوپاس بۆ سەرۆکی ئەنجومەنی پارێزگای سلێمانی کە لەم کێشەیەی پڕۆژەی شاری ئەوین کارئاسانی و هاوکاری لیژنەکەمانی کردووە و بەشداری لەچارەسەری کێشەکانی ناوپڕۆژەکە کردووە لەگەڵ لیژنەکەمان .

 

دەستخۆشی زۆرمان هەیە بۆ برای بەڕێزمان ( مامۆستا ڕەسوڵ ) سەرۆکی لیژنەی یاسایی لەئەنجومەنی پارێزگای سلێمانی کەلەم کەیسەدا نوێنەری یاسایی ئەنجومەن بوو لەدادگای کارگێڕی و توانی دڵسۆزانە و شارەزایانە کەیسەکە یەکلابکاتەوە ..

 

      ڕەمەزان نامق کریم

سەرۆکی لیژنەی پلان و پڕۆژەکان

ئەنجومەنی پارێزگای سلێمانی

          ۱۱ / ۸ / ۲۰۲۲



No photo description available.No photo description available.No photo description available.No photo description available.May be an image of textMay be an image of textMay be an image of text