گه‌ڕان

Shadow Shadow
سیاسه‌تی

زانیاریی زیاتر

سەرکردەیەکی باڵای پژاک لە ڕۆژئاوا بە فڕۆکەی بێفڕۆکەوان کوژرا

2022.08.10 - 13:20
App store icon Play store icon Play store icon
سەرکردەیەکی باڵای پژاک لە ڕۆژئاوا بە فڕۆکەی بێفڕۆکەوان کوژرا

ناس کورد-

دەستەی ناوخۆی هەرێمی جزیرە لە ڕۆژئاوای کوردستان ڕایگەیاند، لە هێرشەکەی ڕۆژی 6ی ئابی 2022 لە گەڕەکی سەناعەی شاری قامیشلۆ، یوسف مەحمود ڕەبانی ناسراو بە ڕێزان جاوید، فەرماندەی پژاک کوژراوە "کە بۆ سەردان چووەتە ڕۆژئاوای کوردستان."

کەناڵی ناس کورد لە تێلیگرام جۆین بکە   

 

حەمرین عەلی، هاوسەرۆکی دەستەی کاروباری ناوخۆیی هەرێمی جزیرە لە کۆنگرەیەکی ڕۆژنامەنووسییدا (10ی ئابی 2022) ڕایگەیاند، لە بۆردوومانەکەی ڕۆژی 6ی ئابی 2022ی فڕۆکەی بێ فڕۆکەوانی دەوڵەتی تورکدا لە گەڕەکی سەناعەی قامیشلۆ، کە تێیدا چوار کەس شەهیدبوون، ژمارەیەک کەسیش برینداربوون، کە یەکێکیان یوسف مەحمود ڕەبانی، ئەندامی فەرماندەیی پژاک بوو.

 

ڕوونیشیکردووەتەوە، لەدوای هێرشەکە بریندارەکان گواستراونەتەوە بۆ نەخۆشخانە و سەرباری هەموو هەوڵەکانیش بۆ ڕزگارکردنی ژیانی بریندارەکان، بەڵام یوسف مەحمود ڕەبانی، ئەندامی فەرماندەیی پارتی ژیانی ئازادی کوردستان-پژاک کوژراوە.

 

دەستەی ناوخۆی هەرێمی جزیر ئاماژەی بەوەشکردووە کە یوسف مەحمود ڕەبانی "بۆ سەردان چووەتە ڕۆژئاوای کوردستان و بۆ ئەوەی لەگەڵ خەڵک کۆببێتەوە و لە نزیکەوە دەستکەوتەکانی شۆڕشی ڕۆژئاوای کوردستان ببینێت، هەروەها کاری دەکرد بۆ نزیککردنەوەی بۆچوونی گەلی کورد لە هەرچوار پارچەی کوردستان."

 

بەرپرسێكی پژاك رەخنە لەبارزانی‌و نێچیرڤان بارزانی دەگرێتChrka.net