ناس کورد-
کونسوڵخانەی بەریتانیا لە هەرێمی کوردستان لەسەر دەستگیرکردنی ڕۆژنامەنوسان و پەرلەمانتاران لە خۆپیشاندانەکانی دوێنێی هەرێمی کوردستان هاتەدەنگ و دەڵێت، زۆر نیگەرانن لەو مامەڵەکردنە.
کەناڵی ناس کورد لە تێلیگرام جۆین بکە
لە ڕاگەیەنراوێکدا کونسوڵخانەی بەریتانیا لە هەرێمی کوردستان (یەکشەممە 7-8-2022) ڕایگەیاند، "زۆر نیگەرانین لە دەستگیرکردنی ئەندامانی پەرلەمان و ڕۆژنامەنوسان و چالاکوانانی سیاسی دوێنێ لە هەرێمی كوردستان."
ئاماژەی بەوەشکردووە، "ئازادى ڕادەربڕین و میدیا كايەى گرنگن لە پرۆسەی ديموكراسى."
ڕۆژی شەممە 6-8-2022 لە بەشێک لە شارەکانی هەرێمی کوردستان خۆپیشاندان و گردبوونەوە بەڕێوەچوو و تیایدا ژمارەیەک ڕۆژنامەنوس و پەرلەمانتار و چالاکوان دەستگیرکران.
