ناس کورد-
بەڕێوەبەری چاودێری و بازرگانیی سلێمانی ڕایگەیاند، نرخی مریشك زیاتر دابەزی و لە ئێستادا یەك كیلۆ مریشك لە كێڵگەكانی بەخێوكردنی پەلەوەردا بە دوو هەزار و 600 دینارە.
کەناڵی ناس کورد لە تێلیگرام جۆین بکە
سۆران عەبدولغەفور، بەڕێوەبەری چاودێری و بارزگانیی سلێمانی (یەکشەممە 7-8-2022) ڕایگەیاند، " پێش جەژنی قوربان نرخی یەك كیلۆ مریشك گەیشتە چوار هەزار و 750 دینار و دواتر نرخەكەی دابەزی بۆ سێ هەزار و 750 دینار، ماوەی سێ بۆ چوار ڕۆژیشە نرخەكەی زیاتر دابەزیوە و لە كێڵگەكان یەك كیلۆی بە دوو هەزار و 600 دینار دەفرۆشرێت."
ئاماژەی بەوەشکرد، "بەهۆی زیادبوونی بەرهەمی مریشك لە كێڵگە پەلەوەرییەكاندا نرخەكەی دابەزینی بەخۆوە بینیوە و لەسەر خاوەن كێڵگەكان یەك كیلۆی سێ هەزار و 250 دینار دەكەوێت و ئەگەر نەفرۆشرێن مرداردەبنەوە، بۆیە خاوەن كێڵگە پەلەوەرییەكان بە زەرەر لە بازاڕدا دەیفرۆشنەوە."
