ناس کورد-
نێردەی تایبەتی نەتەوە یەکگرتووەکان لە عێراق لەگەڵ هادی عامریدا کۆبووەوە و ڕایگەیاند، پێویستە دۆخی عێراق سەقامگیر بکرێت و ڕێککەوتنێک بکرێت کە هەموو لایەنەکان ڕازی بکات.
کەناڵی ناس کورد لە تێلیگرام جۆین بکە
ئەمڕۆ پێنجشەممە 4-8-2022، هادی عامری، سەرۆکی هاوپەیمانیی فەتح و جێنین بلاسخارت، نێردەی تایبەتی نەتەوە یەکگرتووەکان لە عێراق کۆبوونەوە.
بەگوێرەی ڕاگەیەنراوێکی کۆبوونەوەکە، "لە کۆبوونەوەکەدا هەردوولا تاووتوێی دوایین پێشهاتەكانی بارودۆخی سیاسی و ڕێگەچارەکانی چەقبەستوویی دۆخەکەیان کردووە و جەختیان لە پێویستی بەردەوامیدان بە دیالۆگ و لێكتێگەیشتنەكانیان كردووەتەوە بۆ گەیشتن بە ئەنجامێک لە چوارچێوەی دەستوردا."
ئاماژە بەوەشکراوە، "هەروەها تاووتوێی بۆردومانەکانی تورکیا و ئەو پێشێلکارییانەی کە لەلایەن ئەو وڵاتەوە دەکرێتەلەسەر سنوورەکانی عێراق، کراوە."
بەگوێرەی ڕاگەیەنراوەکە، بلاسخارت جەختی کردووەتەوە لە، "پێویستی سەقامگیركردنی دۆخی سیاسی عێراق و گەیشتن بە چارەسەرێکی هاوبەش كە هەموو لایەنەكان رازی بكات".
