گه‌ڕان

Shadow Shadow
سیاسه‌تی

تەنها 16 کەس ڕزگاریان بووە

كۆماری كۆنگۆی دیموكرات؛ بەلەمێک بە 77 سەرنشینەوە ژێر ئاوکەوت

2019.08.06 - 16:23
App store icon Play store icon Play store icon
كۆماری كۆنگۆی دیموكرات؛ بەلەمێک بە 77 سەرنشینەوە ژێر ئاوکەوت

کەناڵی ناس کورد لە تێلیگرام جۆین بکە   

ناس کورد- له‌ ئەنجامی ژێرئاوكه‌وتنی به‌له‌مێك له‌ ویلایه‌تی كاسای-سه‌نتڕاڵ له‌ كۆماری كۆنگۆی دیموكرات، 11 كه‌س گیانیان له‌ده‌ستدا و 50ی دیكه‌ش تائێستا بێسه‌روشوێنن. . دیه‌ودۆنت پیه‌م، به‌ میدیاكانی وڵاته‌كه‌ی ڕاگه‌یاندووه: ‌"له‌ ئاكامی ژێرئاوكه‌وتنی به‌له‌مێك له‌ ڕووباری 'لوكه‌نیه‌' کە 77 سەرنشینی هەڵگرتووە و به‌ره‌و ناوچه‌ی كۆله‌ له‌ كیناشا-ی پایته‌خت ڕۆیشتووه ‌11 كه‌س گیانیان له‌ده‌ستداوه‌ و 50ی دیكه‌ش بێسه‌روشوێنبوون". . ئاماژەی بەوەشکردووە، 16 سه‌رنشینی به‌مه‌له‌كه‌ش كه‌ مه‌له‌وانیان زانیووه‌ خۆیان ڕزگار كردووه‌. . فه‌رمانڕه‌وای ویلایه‌تی كاسای- سه‌نتڕاڵ، باسی لەوەشکردووە، هۆکاری ڕووداوەکە ئەوەبووە، بەلەمەکە زیاد لە پێویست کەلوپەل و شتی لێ بار کراوە. . كۆماری كۆنگۆی دیموكرات چه‌ندین دارستانی به‌رفراوان و ڕوبار و ده‌ریاچه‌ له‌خۆ ده‌گرێت، کە جگه‌ له‌ شاره‌ گه‌وره‌كان تۆڕی رێگای وشكانی له‌و وڵاته‌دا نییه‌ و خه‌ڵكی ناوچەکە بۆ هاتوچۆکردن ڕێگای ئاوی به‌كارده‌هێنن، به‌ڵام به‌ هۆی كۆنی و گرنگینه‌دان به‌ به‌له‌مه‌كان و باركردنی زیاد له‌ ڕاده‌ی شتومەک، زۆرجار ژێرئاوكه‌وتنی به‌له‌م ڕووده‌دات. . .