گه‌ڕان

Shadow Shadow
سیاسه‌تی

بەپەلە

پەیامێکی بەپەلە لە مستەفا کازمییەوە

2022.07.30 - 11:47
App store icon Play store icon Play store icon
پەیامێکی بەپەلە لە مستەفا کازمییەوە

ناس کورد- 

مستەفا کازمی، سەرۆک وەزیرانی عێراق و فەرماندەی هێزە چەکدارەکان پەیامێکی بەپەلەی بڵاوکردەوە و هێزە ئەمنییەکانی بۆ پاراستنی خۆپیشاندەران ئاڕاستەکرد، داواش لە خۆپیشاندەران دەکات دووربن لە دروستکردنی گرژی و دەڵێت، هێزە ئەمنییەکان ئەرکی پاراستنی دامودەزگا ئەمنییەکانیان لەسەر شانە.

کەناڵی ناس کورد لە تێلیگرام جۆین بکە   

 

بەیانیی ئەمڕۆ شەممە 30-7-2022، خۆپیشاندانی لایەنگرانی موقتەدا سەدر لە بەغدا دەستیپێکردەوە و خۆپیشاندەران نزیکدەبنەوە لە بینای پەرلەمان و گرژی دروست بووە و چەند بریندارێکیش هەن. 

 

لەوبارەیەوە مستەفا کازمی،  سەرۆک وەزیرانی عێراق و فەرماندەی هێزە چەکدارەکان لە پەیامێکدا هێزە ئەمنییەکانی ڕاسپارد بۆ پاراستنی خۆپیشاندەران و ڕایگەیاند، "داواش لە خۆپیشاندەران دەکەم دووربن لە دروستکردنی گرژی و ئاڵۆزی و پابەندبن بە رێنماییەكانی ئەو هێزە ئەمنیانەی کە ئامانجیان پاراستنیانە." 

 

ئاماژەی بەوەشکردووە، " بەردەوامبوونی پەرەسەندنی سیاسی گرژی و ئاڵۆزی لە شەقامدا زیاد دەکات و خزمەت بە بەرژەوەندی گشتی ناکات." 

 

مستەفا کازمی جەختیشیکردووەتەوە، "هێزە ئەمنییەكان ئەركی پاراستنی دامودەزگا فەرمییەكانیان لەسەر شانە و هەموو ڕێکارێک دەگرینەبەر بۆ جێبەجێکردنی یاسا."