گه‌ڕان

Shadow Shadow
سیاسه‌تی

وردەکاریی

لە سلێمانی دوو کەس دەڕفرێنرێن

2022.07.28 - 18:50
App store icon Play store icon Play store icon
لە سلێمانی دوو کەس دەڕفرێنرێن

ناس کورد-

بەڕێوەبەرایەتی پۆلیسی سلێمانی ڕایگەیاند، مەفرەزەکانی بەشی پۆلیسی سەیدسادق پێنج تۆمەتباریان دەستگیرکرد کە دوو کەسی ئێرانییان ڕفاندبوو و بۆ ئازادکردنیان داوای چوار ملیار تمەنیان لێکردوون.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی سلێمانی (پێنجشەممە 28-7-2022) ڕایگەیاند، "دوای ئەوەی زانیاری گەیشتە دەست بەڕێوەبەری پۆلیسی پارێزگای سلێمانی کە دوو کەسی ئێرانی لەلایەن پێنج تۆمەتبارەوە ڕفێنراون و لەبەرامبەر ئازادکردنیان داوای 4 ملیار تمەنیان لێ دەکرێت، دەستبەجێ بەڕێوەبەری پۆلیسی پارێزگای سلێمانی  بەشی پۆلیسی سەیدسادقی ڕاسپارد و زانیاری تەواوی پێدان لەسەر شوێنی تۆمەتباران کە ئەو دوو کەسەیان ڕفاندووە." 

 

ئاماژەی بەوەشکردووە، "دوای بەدواداچون و لێکۆڵینەوەکان بەسەرپەرشتی ڕاستەوخۆی بەڕێز عەمیدی مافپەروەر ئاسۆ شێخ تەها توانرا شوێنی تۆمەتباران لە قەزای سەیدسادق بدۆزرێتەوە و ڕفێندراوەکان ئازادبکرێن و سەرجەم تۆمەتباران دەستگیربکرێن کەژمارەیان پێنج تۆمەتبارە." 

 

بەگوێرەی ڕاگەیەنراوەکە، تۆمەتباران ئەمانەن: 

 

( ف، ح ، ع) لەدایکبووی 1993

( ن، ح ، ع) لەدایکبووی 2002  

(ه ، م، ح )  لەدایکبووی 1995

( ا ، ح ، م ) لەدایکبووی 2002

( ز ، ع ،ع ) لەدایکبووی 1999

 

ئەوەش هاتووە، "تۆمەتباران بەبڕیاری بەڕێز دادوەرو بەپێی ماددەی 421 لەیاسای سزادانی عیراقی ڕاگیراون و لێکۆڵینەوە لەگەڵیان بەردەوامە." 

 

May be an image of 5 people and people standing