ناس کورد-
سەرۆکى ئەنجومەنى راژەى هەرێم رایگەیاند، میلاک و راژەى فەرمانبەران ڕێکدەخەنەوە، بەئامانجى کردنەوەى دەرگاى دامەرزاندن.
کەناڵی ناس کورد لە تێلیگرام جۆین بکە
سیراج بارزانى (28-7-2022) وتى "پێداچوونەوە بە میلاک و راژەى فەرمانبەراندا دەکەین و بەپێی پسپۆڕێتى فەرمانبەران دوبارە بەسەر فەرمانگەکان دابەشدەکرێنەوە"، ئەوەش بەپێی فەرمانگەى میدیا و زانیارى سەر بە حکومەتى هەرێم.
وتیشى "ژمارەى فەرمانبەران بەپێی پێداویستى راستەقینەى فەرمانگەکان دەبێت بەئامانجى کەمکردنەوەى خەرجى و زیادکردنى داهات".
سیراج بارزانى جەختیکردەوە هەر فەرمانبەرێک ئەو پڕۆسەیە بیگرێتەوە بەراوێژ بۆ فەرمانگەیەکى دیکە دەدوازرێتەوە.
دەشڵێت ئامانج لەو کارەیان ئەوەیە، بتوانن بەشێوەى ساڵانە دەرگاى دامەرزاندن بکەنەوە بەشێوەیەک کە بارگرانى دروستنەکات..
