گه‌ڕان

Shadow Shadow
سیاسه‌تی

’’پەنا بۆ یاسا ببەن’’

مەرجەعى کاکەییەکان لەجیهان لەسەر سوکایەتیکردن بە هاوڵاتییەکى کاکەیی هاتەدەنگ

2022.07.26 - 22:18
App store icon Play store icon Play store icon
مەرجەعى کاکەییەکان لەجیهان لەسەر سوکایەتیکردن بە هاوڵاتییەکى کاکەیی هاتەدەنگ

ناس کورد-

 

سەید نەسرەدین حەیدەری مەرجەعى کاکەییەکان لەجیهان داوا لە کاکەییەکان دەکات بە گفتوگۆ و پەنابردن بۆ یاساکانى عێراق کێشەى بێڕێزیکردن بە هاوڵاتییەکى کاکەیی چارەسەر بکەن.

کەناڵی ناس کورد لە تێلیگرام جۆین بکە   

 

حەیدەری لە پەیامێکدا (26-7-2022) ئاماژەى بەوەکردووە، "لە ئێوە هاوبیروباوەڕانی بەڕێزم داوکارم لە گشت جۆرە بێ ڕێزی و ئاژاوەگێڕییەک خۆتان بپارێزن وە بۆ چارەسەری و ڕێگەگرتن لە ڕوداوی هاوشێوە پەنا بۆ یاسای دادوەری وڵاتەکەتان ببەن".

 

دەقى پەیامەکە:

 

خۆشک و برایانی  بەڕێەزی کاکەیی لە هەریمی کوردستان و عێراق

سڵاو و ڕێز

 

بەداخەوە ئەو هەواڵە ناخۆشەی کە گرووپێکی سەربازی بێڕێزییان بە باوەڕمەندیەکی یارسانیمان کردووە پێمان گەیشت، وێڕای ئیدانە کردنی ئەو کارە ناشیرینە، پشتگیری خۆمان لەو بەڕێزانەی کە لە ڕێگەی گفتوگۆوە خەریکی چارەسەرکردنی ئەو کێشەیەن، لە ئێوە هاوبیروباوەڕانی بەڕێزم داوکارم لە گشت جۆرە بێ ڕێزی و ئاژاوەگیڕی خۆتان بپارێزن وە بۆ چارەسەری و ڕێگە گرتن لە ڕوداوی هاوشێوە پەنا بۆ یاسای دادوەری وڵاتەکەتان ببەن، لەلای یارسان هەمیشە یاسای وڵات و ڕێەزو خوشەویستی پێکەوەژیان سەروەرە.

 

براتان سەیید نەسرەدیین حەیدەری