گه‌ڕان

Shadow Shadow
سیاسه‌تی

بەڵگە ببینە

تەندروستیی هەرێم چەند بڕیارێکی لەبارەى پزیشکانی ئێشکگریی دەرکرد

2022.07.26 - 15:48
App store icon Play store icon Play store icon
تەندروستیی هەرێم چەند بڕیارێکی لەبارەى پزیشکانی ئێشکگریی دەرکرد

ناس كورد-

وەزارەتی تەندروستیی ھەرێم چەند بڕیارێکی لەبارەی ئێشکگریی بۆ پزیشکانی پسپۆڕ و نیشتەجێی دێرین و خولاو لە نەخۆشخانە حکومییەکان دەرکرد.

کەناڵی ناس کورد لە تێلیگرام جۆین بکە   

 

بە پێی نوسراوێکی وەزارەتی تەندروستی ھەرێم کە ئەمڕۆ (26ی تەموزی 2022) دەرچووە و واژۆی وەزیری تەندروستی لەسەرە ئاماژە بەوەکراوە، پێویستە مانگانە خشتەی ئێشکگریی بە فەرمانی کارگێڕیی دەربکرێت و ھەڵبواسرێت و لەکاتی گۆڕینەوەش دەبێت پێشتر بەڕێوەبەرایەتی نەخۆشخانە و سەرۆک بەش و سەرۆکی پزیشکان رەزامەند بن.

 

جەختیشیکردووەتەوە، پێویستیشە پزیشکی پسپۆڕی ئێشکگریی یان نیشتەجێی دێرین لەکاتی ئێشکگریی بەردەوام لە نەخۆشخانە بن و نابێت پزیشکی پسپۆڕی ئێشکگریی یان نیشتەجێی دێرین لە کلینکی تایبەتی خۆی یان لە نەخۆشخانەی تایبەت بێت لە رۆژی ئێشکگریدا.

 

لە کۆتایی نوسراوەکەشدا ھاتووە، بەکارھێنانی ھۆکارەکانی پەیوەندیکردن وەک (ڤایبەر و وەتسئەپ و تەلەفۆن) بۆ راوێژکردن بە ھەموو شێوەیەک قەدەغەیە، چونکە دەبێت ئێشکگر ئامادەبێت و نەخۆش ببینێت.