گه‌ڕان

Shadow Shadow
سیاسه‌تی

فواد حسێن: ئەو شوێنەی تورکیا بۆردومانی کرد پەکەکەی لێ نەبووە

2022.07.23 - 12:09
App store icon Play store icon Play store icon
فواد حسێن: ئەو شوێنەی تورکیا بۆردومانی کرد پەکەکەی لێ نەبووە

ناس کورد-

فواد حسێن، وەزیری دەرەوەی عێراق ڕایگەیاند، کێشەی پەکەکە و تورکیا کێشەیەکی ناوخۆیی خۆیانە و لە نیگەرانییەکانی تورکیاش تێدەگەن، بەڵام "ئەو شوێنانەی تورکیا هێرشیان بۆ دەکات شوێنی پەکەکە نین."

کەناڵی ناس کورد لە تێلیگرام جۆین بکە   

 

فواد حسێن لە چاوپێکەوتنێکی تەلەڤزیۆنی لەگەڵ ڕووداو (23ی تەموزی 2022) وتی، "عێراقیش ڕێگەنادات پەکەکە لە خاکی عێراقیەوە خۆی بەهێز بکات و هێرش بکاتەسەر وڵاتانی دراوسێ."

 

بەپێی ئەو زانیارییانەی کە ئێمە دەستمانکەوتووە، ئەو هاوینەهەوارەی زاخۆ لە تورکیا بۆردومانی کردووە چەکدارانی پەکەکەی لێ نەبووە.

 

جەختیکردەوە کە "هەرچی زانیارییە کە بۆمان دێت لەبارەى جوگرافیا و چەکەکە و مەوداشی، هەموو شتێک نیشان دەدات کە ئەمە کاری تورکیایە نەک پەکەکە."

 

جەختیکردەوە کە "تاوەکو ئێستا حکومەتی تورکیا بە فەرمی هیچ ڕوونکردنەوەیەک یاخود لێبوردنێکی لە عێراق نەکردووە." 

 

رۆژی چوارشەممە (20ی تەموزی 2022) سێ تۆپ ئاراستەی ناوچەیەکی گەشتیاریی سنووری زاخۆ کران و بەهۆیەوە بەپێی دوایین ئامارەکان، نۆ کەس گیانیان لەدەستداوە و 26 کەسی دیکەش بریندار بوون کە برینی هەندێک لە بریندارەکان سەختە. ئەو کەسانەی بوونەتە قوربانی، سەرجەمیان گەشتیاری عەرەبن و لە پارێزگاکانی عێراقەوە چوونەتە زاخۆ.