گه‌ڕان

Shadow Shadow
سیاسه‌تی

وردەکاریی

پارێزگارى نەینەوا قسەى جیاواز لەبارەى بەئامانج گرتنى ئۆتۆمبێلەکە دەکات

2022.07.17 - 20:28
App store icon Play store icon Play store icon
پارێزگارى نەینەوا قسەى جیاواز لەبارەى بەئامانج گرتنى ئۆتۆمبێلەکە دەکات

ناس کورد-

 

پارێزگارى نەینەوا رایگەیاند، ئەو ئۆتۆمبێلەى لەلایەن فڕۆکەى بێ فڕۆکەوانى تورکیاوە کراوەتە ئامانج مەدەنى بووە و شۆفێرەکەى ناسراوەتەوە، بەڵام چوار قوربانییەکەى دیکە ناسنامەیان نادیارە.

کەناڵی ناس کورد لە تێلیگرام جۆین بکە   

 

نەجیم جبورى (17-7-2022) لە بەیاننامەیەکدا ئاماژەى بەوەکرد، کاتژمێر 2:20 خولەکی پاشنیوەڕۆی ئەمڕۆ فڕۆکەیەکی بێفڕۆکەوان ئۆتۆمبێلێکی مەدەنی لە ڕۆژئاوای موسڵ کردە ئامانج و بەهۆیەوە پێنج کەس کە یەکێکیان ژنە گیانیان لەدەستدا.

 

دەشڵێت شوفێری ئۆتۆمبێلەکە ناسنامەى دیارە، بەڵام بە چوار کەسەى دیکە کە یەکێکیان ژنێک بووە نەناسراون، لێکۆڵینەوەکانیش لەلایەن دەزگا ئەمنییەکانەوە ئەنجامدەدرێن لە نەینەوا ئاشکرای کردووە کە فڕۆکە بێفڕۆکەوانەکە تورکی بووە.

 

جبورى بە توندی ئیدانەی ئەو هێرشە دەکات و دەڵێت ئاسایشی پارێزگاکە دەخاتە مەترسییەوە، کە لەدواى نەمانى داعشەوە هێوربووەتەوە.

 

داواش لە حکومەتی عێراق دەکات ناڕەزایی دەرببڕێت بەرامبەر بەو جۆرە کارانەی حکومەتی تورکیا.

 

پێشتر دژەتیرۆری کوردستان لە راگەیەنراوێکدا رایگەیاند، ئەمڕۆ یەکشەمممە 17ی تەممووزی 2022 کاتژمێر 14:30، فڕۆکەی بێفڕۆکەوانی سوپای تورکیا لە نزیک دەروازەی شام لە رۆژئاوای مووسڵ ئۆتۆمبێلێکی چەکدارانی پەکەکەی کردە ئامانج و لە ئەنجامدا 5 چەکداری پەکەکە کوژران.  

  

ئاماژە بەوەشکراوە، چوار لە کوژراوەکان پیاون و یەکێکی دیکەیان ئافرەتە.